E përditësuar: Filluan protestat e “Revolucionit Laraman” (Foto-Video)

Rreth orës 19 edhe sonte para PSP në Shkup edhe përkrah motit të keq protestuesit e “Revolucionit Laraman” e filluan protestën me moton  „Drejtësia është Kushtetutë, PSP është drejtësi “, transmeton Telegrafi Maqedoni.

Protestës së sotme i është bashkëngjitur edhe Lëvizja qytetare “E dua Qendrën Tregtare të Qytetit të Shkupit”, kundër “veshjes” me fasadë barok të ndërtesës së Qendrës Tregtare të Shkupit, dhe së bashku janë nisur në drejtim të Qeverisë së Republikës së Maqedonisë.

„Shkupi 2014“ mund të pengohet vetëm nëse bie kjo Qeveri, konsiderojnë nga Lëvizja qytetare “E dua QTQ”./Telegrafi/

8:30

Demonstruesit e “Revolucionit Laraman” janë ndaluar nga një kordon policor që të vazhdojnë marshin protestues tek ura “Goce Dellçev”.

Me duart e ngritura lartë demonstruesit bërtasin „Vrasës, vrasës“, „Shutka nuk të ik, Nikola“ dhe „Ne ju paguajmë“

Protesta është e qetë, ndërsa një pjesë e protestuesve në mënyrë simbolike e kanë kënduar himnin e shtetit para kordonit policor.

Policia me mburoja të ngritura lartë nuk lejon që askush të kalojë, ndërsa te ura policia i ka vendosur edhe topat me ujë./Telegrafi/