“E kam gjetur me ish-in e tij” – Sara dhe Endrik rrëfejnë lidhjen e tyre

Sara dhe Endrik kanë pasur një lidhje me njëri-tjetrin përpara disa vitesh dhe patën përballjen e parë në shtëpinë e “Big Brother Vip Albania”. Ata treguan historinë e tyre në dy dhoma të ndryshme.

Sara fillon e para: “Si fillim dua t’i kërkoj ndjesë bashkëshortes së tij aktuale, sepse mendoj se është shumë e vështirë për atë vajzë që ta dëgjoj këtë.”

“Dua të cek që Endrikut ia kërkova vetë kontaktin e parë. Kemi bërë një bisedë që të qetësohet situata. Unë dhe Endriku kemi pasur një marrëdhënie shumë të mirë. Ai ka ardhur te nëna ime në Greqi. Gjërat kanë qenë familjare. Unë kam shkuar në shtëpinë e tij, si nusja e tij. Respekti ka qenë maksimal. Ai më ka dedikuar dhe një këngë. Ka qenë një ndihmesë e madhe për mua, por nuk e dija që mbante kontakte me ish-in e tij, që i kam gjetur në një situatë të pakëndshme. Dhe shumë e shumë sdituata të tjera të pakëndshme.”

“Nuk e kemi përjetuar mirë, as unë as familja ime. Endriku bëri zgjedhjen e tij. Mund të ketë akuzuar për mua, por pa fakte. Nuk e fajësoj, sepse ka qenë goxha i papjekur. E kam kaluar atë situatë dhe në të njëjtën kohë i hodha vetë e para dorezën e bardhë këtu, e para për veten time, por dhe për familjen time që të mos përjetojë të njëjtin siklet. Kam qenë e tensionuar, sepse nuk e dija nëse do të vinte apo jo. Ju nuk e keni idenë se çfarë ndjesirash përjetoj unë kur Bardhi dhe Endriku bisedojnë së bashku. Nuk dua të lëndoj asnjë palë. Ai ka martesën e dytë në mos gaboj. Endriku ka një fëmijë, gjë që e vlerësoj jashtë mase shumë.” – vazhdoi Sara.

Lexo po ashtu "Nuk jam ndarë përfundimisht me Jurgenin" - Sara Gjordeni shokon me deklaratën për boksierin, pas lidhjes me Bardhin

Ndërsa Endriku thotë: “Kemi qenë të dy të rinj. Sara është një njeri shumë i mirëkuptueshëm. Gjërat ishin dhe intensive. Por me kalimin e kohës dhe duke mos pasur më kontakte, kuptuam që nuk ishim të duhurit për njëri-tjetrin. Nuk doja të hiqesha si një njeri që nuk e njoh. E pashë dhe që po krijonte një lidhje të bukur me Bardhin, unë jam pro dashurisë. Doja që kjo gjë të sheshohej. Më ka surprizuar Bardhi si person, sepse është treguar shumë xhentil. E ndjeva të detyruar t’ia thoja në sy që nuk jam këtu për partneren tënde ose të ndërhyja mes jush. I dhamë dorën njëri-tjetrit. Nuk kishte një duel ose sfidë, sepse u tregua jashtëzakonisht miqësor dhe xhentil.” /Telegrafi/