Shitësi i tepihëve duke se do të mbajë premtimin e dhënë bijës së tij – të cilës do t’i dhurojë veturën të cilën e ka ndërtuar nga druri, dhe që do t’ia bëjë dhuratë për ditëlindjen e 17-të.

Në vitin 2015, e bija e Bienvenido Ortegas, Emeli që asokohe ishte 13-vjeçare, kishte habitur të gjithë kur tha se nuk dëshiron që për ditëlindjen e saj të 15-të të organizohet ndonjë aheng “tradicional”, transmeton Telegrafi.

Në vend të festave ku nuk do të mungonte vallëzimi dhe ëmbëlsirat, Emeli që tani jeton në Bronx të New York-ut, i kishte thënë babait se dëshiron që t’ia ndërtojë një veturë prej druri të cilën do t’ia sillte nga Peruja në New York. Ajo madje ia kishte bërë me dije se do ta pres me padurim.

Bienvenido ka thënë për Daily Mail se ishte rikthyer në shtëpinë e tij në Peru dhe kishte filluar ndërtimin e një Chevroleti të drurit të cilin e përfundoi në vitin 2017. Por, për fat të keq ky tentim i dështoi, kur motori i Chevroletit u prish rrugës për në Kolumbi gjatë tetorit të 2017.

Kështu e la veturën me miqtë dhe u kthye në shtëpi në Peru për të kërkuar pjesët e reja, pasi që atje nuk mund t’i gjente për shkak të disa problemeve që hasi me autoritetet kolumbiane.

Ata i lejuan atij vetëm katër ditë të qëndrojë, por ai ndërroi mendje dhe vendosi që Chevroletin prej druri t’ia dhurojë një miku. Gjashtë muaj më vonë filloi ndërtimin e një veture të re për të bijën.

Në prill të vitit të kaluar ai arriti t’i gjej disa pjesë të dy Volkswagen të prodhuar në vitin 1978 dhe duke parë se mund të bëjë diçka vendosi ta ndërtojë modelin unik prej drurit.

Vendosi ta investojë në Volkswagen Beetle për shkak se është e vogël dhe motori nuk përdor ujë. Më lehtë mirëmbahet dhe shumë më zor prishet. /Telegrafi/