Dyshohet se u diagnostikua me leukemi – Wanda Nara flet për gjendjen e saj shëndetësore

Wanda Nara nuk ka qenë asnjëherë larg titujve në vitet e fundit.

Argjentinasja ka thyer heshtjen dhe ka sqaruar disa gjëra për shëndetin e saj për të cilin është folur shumë.

Përmes llogarisë së saj në Instagram, Nara ka qetësuar ndjekësit duke iu përgjigjur disa pyetjeve që i drejtohen asaj.

Megjithatë, ajo nuk u pyet vetëm për shëndetin, pasi u pyet edhe për destinacionin e saj të ardhshëm apo për ndonjë projekt.

Lexo po ashtu Dyshohet se Wanda Nara është diagnostikuar me leukemi

“Si ndihesh? Në televizor kanë thënë që po shkon për kurim, ku?”, pyeti një ndjekës, të cilit Nara iu përgjigj: “Unë nuk do të shkoj për trajtim në asnjë vend. Do të shoqëroj Mauron”.

View this post on Instagram

A post shared by Wanda nara (@wanda_nara)

Partneri i saj, Mauro Icardi, së fundi nënshkroi për klubin turk Galatasaray, ku e kaloi sezonin e kaluar në formë huazimi dhe si rrjedhojë ajo konfirmoi se do t’i bashkohet në rrugëtimin e tij të ardhshëm.

“Stamboll”, ishte përgjigja e saj kur u pyet se cili është destinacioni i saj i radhës.

Nara ndau edhe mendimet për të gjitha raportimet për shëndetin e saj, të cilat dukej se nuk i vlerësonte: “Gënjeshtra janë thënë shumë, flasin dhe thonë gjëra që nuk janë të vërteta pa marrë parasysh që flasin për jetën e dikujt tjetër”.

View this post on Instagram

A post shared by Wanda nara (@wanda_nara)

Kështu, sipas Wanda Naras, ajo është në gjendje të mirë shëndetësore pavarësisht të gjitha thashethemeve. Ajo u pyet gjithashtu nëse ka momente kur dëshiron të mos jetë më e famshme.

“Kur dal me fëmijët e mi ose kur shkoj në supermarket”, u përgjigj ajo. /Telegrafi/

View this post on Instagram

A post shared by Wanda nara (@wanda_nara)