Dybala vështirëson edhe më shumë kalimin te Unitedi, kërkohen miliona euro komision për agjentin

Paulo Dybala po bën kërkesa shumë të larta, përfshirë një komision prej 15 milionë eurosh, pasi ai nuk dëshiron të largohet nga Juventus për Manchester Unitedin në një këmbim me sulmuesin Romelu Lukaku.

Burime të shumta në Itali dhe Angli pretendojnë se La Joya është i pabindur për marrëveshjen, ndërsa Juve po përpiqen ta shtyjë atë drejt Old Trafford.

Sipas mediumit italian La Gazzetta dello Sport, pengesat e vendosura në mënyrën e këtij transferimi përfshijnë një komision prej 15 milionë eurosh për agjentin e tij.

Lexo po ashtu Dybala refuzon Unitedin për Interin?

Kërkesat për pagë janë të paktën 10 milionë euro në vit plus bonuse, ndërsa Juventusi e vlerëson së paku 85-100 milionë euro.

Shumica e kësaj shifre do të anulohej nga Lukaku, i cili ka vlerësim përafërsisht të njëjtë, por ende ekziston një hendek midis vlerësimit të dy sulmuesve.

Dybala u kthye në Torino në mëngjes e së enjtes dhe vazhdoi për teste mjekësore në J-Medical të Juves, por nuk pritet të stërvit as sot me italianët.

Sipas mediumit tjetër Corriere dello Sport, Juve i ka thënë Dybalas se nuk do të kthehet në stërvitje deri ditën e hënë, pavarësisht se La Joya u rikthye në klub.

Bisedimet e tij të pritura për një kohë të gjatë me trajnerin Maurizio Sarri madje mund të ndodhin edhe përmes telefonit.

Lexo po ashtu Dybala kthehet në Torino, gati takimi me Sarrin për të ardhmen

Juve jo vetëm që po shtyjnë Dybalan drejt Manchester United, por Daily Mail gjithashtu pretendon se Cristiano Ronaldo e nxiti atë që të pranojë transferimin gjatë një bisede në ËhatsApp me pjesën tjetër të skuadrës.

Faqja franceze Le 10 Sport pretendon se argjentinasi do të bllokojë kalimin te Unitedi deri në mbyllje të afatit kalimtar të Ligës Premier, në mënyrë që ai të shkojë në Paris Saint-Germain. /Telegrafi/