Paulo Dybala ka pëlqyer një postim që vë në dyshim vendimin Andrea Pirlos për ta lënë atë në bankën rezervë për 90 minuta në ndeshjen kundër Crotones.
Sulmuesi i Juventusit nuk u angazhua nga trajneri në takimin e të shtunës që përfundoi me rezultat të barabartë (1-1).
“Pyes veten se cili është qëllimi që ta sjellësh Dybalan në Crotone, nëse nuk e angazhon asnjë minutë. Nëse nuk ka qenë në gjendje të luajë, a nuk do të ishte më logjike që ta linit në Torino që të stërvitej?”, ka shkruar korrespondentja e Gazzetta dello Sport në Twitter.
Argjentinasi e ka pëlqyer këtë postim, mirëpo më pas e ka tërhequr reagimin e tij në këtë rrjete social.
Dybala nuk është ndier mirë gjatë angazhimit me kombëtaren e Argjentinës, ashtu që nuk luajti për shkak të problemeve gastrointestinale.
La Joya nuk ishte i përgatitur plotësisht që të luante ndaj Crotones, ashtu që Pirlo e la në bankën rezervë gjatë gjithë lojës. Sipas Tuttosport, sulmuesi pritet të startojë në ndeshjen e Ligës së Kampionëve kundër Dynamo Kyivit të martën. /Telegrafi/
