Manchester City e ka realizuar edhe golin e katërt në përballjen ndaj Real Madridit në Etihad Stadium.
Sfida e parë gjysmëfinale e Ligës së Kampionëve ka dhuruar një lojë jashtëzakonisht të bukur me shumë gola, ndërsa vendasit janë në epërsi (4-3).
Kësaj radhe ishte Bernardo Silva futbollisti që e gjeti rrjetin për golin e katërt të ekipit nikoqir (74’).
Nuk zgjati shumë dhe u akordua penallti për Realin për prekje të topit me dorë në zonë dhe përgjegjësinë e mori Karim Benzema për të treguar klasin e tij duke shënuar me panenka (82’).
Kujtojmë që City shënoi dy gola në pjesën e parë me anë të Kevin De Bruyne e Gabriel Jesus dhe dy të tjerë në të dytën përmes Phil Foden dhe tash Silva.
Ndërsa Reali ka shënuar një gol në pjesën e parë përmes Karim Benzemas dhe dy të tjerë në të dytën me anë të Vinicius Junior e Benzema. /Telegrafi/
https://twitter.com/MannyCRC/status/1519053360162353152
