Dy çifte të njohura të estradës festojnë përvjetorin e martesës në të njëjtën datë

Sezoni veror është shumë i ngjeshur me punë për artistët, e veçanërisht për këngëtarët, të cilët angazhohen në koncerte e mbrëmje muzikore të ndryshme.

Si rrjedhojë shumë prej personazheve VIP zgjedhin shtatorin si muajin e përkyer për të kryer ceremonitë e tyre, qoftë martesore apo edhe të tjera.

Në një datë si kjo e sotmja (16 shtator), dy çifte të njohura të estradës si për rastësi kurorëzuan dashurinë e tyre me martesë.

Lexo po ashtu Speciale: 2017 - Viti i martesave në estradë: Gjithçka rreth dasmave glamuroze të yjeve (Foto)

Bëhet fjalë për çiftin e muzikantëve Yllka Kuqi dhe Astrit Pallaska, dhe çiftin e aktorëve Lena Kryeziu dhe Ilir Bokshi.

Përmes rrjeteve sociale, personazhet e mësipërm kanë kujtuar këtë datë, e cila tashmë për çdo vit është edhe më e veçantë për ta.

Ishte fillimisht këngëtarja Yllka Kuqi, ajo e cila vendosi të publikojë një fotografi në rrjetin social Instagram, ku shfaqej bashkë me Astritin në një nga momentet më të veçanta të dasmës së saj.

https://www.instagram.com/p/Bnysf5GHTVp

Yllka Kuqi dhe Astrit Pallaska u martuan më 16 shtator të vitit 2011 në një dasmë të organizuar në qytetin e tyre të lindjes, në Gjakovë.

Në po këtë datë, u martua edhe një tjetër vajzë e famshme nga Gjakova – është kjo aktorja e njohur e teatrit, Albulena Kryeziu, e cila tash e dy vite është e martuar me regjisorin Ilir Bokshi.

Një ditë si kjo, Lena vendosi ta kujtojë me një fotografi të veçantë të publikuar në Facebook, ku shfaqej në krahët e Ilir gjatë martesës, teksa shkruante në mbishkrimin e fotografisë “Përvjetori i kurorëzimit”.

Çifti Ilir Bokshi e Albulena Kryeziu u martuan më 16 shtator të vitit 2016, në një ceremoni private të mbajtur në Tiranë. Ata tashmë janë edhe prindër të një djali, të cilin e kanë pagëzuar me emrin Doni.

Lexo po ashtu Emocionuese: Takimi i aktores Albulena Kryeziu me të birin në tapetin e kuq pak çaste para fillimit të finales së PriFest

Ndërkohë, urimet e fansave dhe uratat për një jetë të lumtur nuk kanë munguar për të dyja çiftet. /Telegrafi/