DUKE U KTHYER PAS DHE DUKE KUJTUAR …

Poezi nga: A. D. Winans
Përktheu: Fadil Bajraj

DUKE U KTHYER PAS DHE DUKE KUJTUAR SE SI ISHTE DIKUR:
KISHTE SHUMË POETË SHUMË LEXIME TË POEZIVE

mund t’i gjeni në dhomat e pasme
të gatshëm për të ikur me vrap
ata janë poetët e parë që lexojnë
dhe të parët që largohen
me vete gjithmonë mbajnë
një fletore me fletë të pangjitura
kanë gjithmonë një vajzë të bukur të re
që u varet në krah
gjithmonë del ndonjë që pretendon
të ketë njohur Kerouacun ose Ginsbergun
të ketë fjetur me njërin apo me të dy
nja dy a tre jetojnë me Zota
nja dy a tre të tjerë pretendojnë se janë Zot
dy ish-narkomanë një homoseksual
një dregkuin me shumë rimel
dy gra me sy të trishtë duke fërkuar duart
ndonëse ato preferojnë të fërkojnë diçka tjetër
gjithmonë ndonjë braktisës i Brezit Bit
ndonjë i mbijetuar nga ditët e hipikëve
ndonjë grua me flokë të shkurtër
ndonjë poet nervoz me tik nervor
ndonjë refugjatë droge
ndonjë poet dështak që nxjerr prej goje emra
më shpejt se ankandisti
një poet që recenson poezinë
një poet që është redaktor
një poet që dëshiron të bëhet redaktor
një Mesia dhe një yll vizitor
jashtë qytetit