LAJMI I FUNDIT:

A duhet të shpallet gjendja e jashtëzakonshme shkaku i coronavirusit? Flasin ekspertët e sigurisë

A duhet të shpallet gjendja e jashtëzakonshme shkaku i coronavirusit? Flasin ekspertët e sigurisë

Shkaku i shfaqjes së pandemisë COVID-19 e njohur si coronavirus, presidenti i Kosovës, Hashim Thaçi ka zhvilluar një takim me Këshillin Kombëtar të Sigurisë, ku pastaj i ka kërkuar Kuvendit të Kosovës që të shpallë gjendjen e jashtëzakonshme në vend.

Mirëpo me këtë kërkesë të presidentit nuk është pajtuar kryeministri Albin Kurti. Kurti ka konsideruar se për një gjendje të tillë duhet të përcillet situata dhe të veprohet kur e kërkon nevoja, por tani për tani është i panevojshëm dhe nuk do të duhej të merrnin një vendim të tillë.

Kurti: Nuk kemi nevojë të shpallim gjendje të jashtëzakonshme për coronavirus
Lexo po ashtu Kurti: Nuk kemi nevojë të shpallim gjendje të jashtëzakonshme për coronavirus

Lidhur me këtë mos-koordinim të Presidencës dhe Qeverisë, Tahir Ahmeti, njohës i çështjeve të emergjencave dhe njëherësh Drejtor Ekzekutiv Qendrës Kërkimore për Politika të Sigurisë (SPRC), ka thënë për Telegrafin se ky mos-koordinim nuk iu ndihmon qytetarëve.

“Besoj se situata e tashme duhet të qartësohet përmes votimit në Parlamentin e Kosovës. Pra, Parlamenti e ka fjalën. Edhe Qeveria, edhe Presidenti duhet ta respektojnë votën e Parlamentit të Kosovës. Sidoqoftë, ajo që kemi parë mbrëmë, duket qartë një mos-koordinim midis institucioneve dhe kjo nuk i ndihmon qytetarëve të Kosovës”, ka thënë Ahmeti.

Presidenti i propozon Kuvendit shpalljen e gjendjes së jashtëzakonshme
Lexo po ashtu Presidenti i propozon Kuvendit shpalljen e gjendjes së jashtëzakonshme

Ai ka shtuar se gjendja e jashtëzakonshme nuk është masë dëmtuese në këtë rrethanë.

“Thelbi i aspektit të sigurisë, nëse shpallet gjendja e jashtëzakonshme, ka të bëjë jo vetëm me coronavirusin, por edhe me vendosjen e FSK-së në tërë territorin e Kosovës. Pse do të duhej të jemi kundër një nevoje të tillë? Më e rëndësishmja në tërë këtë situate, është ruajtja e qetësisë së qytetarëve, mos të krijohet panik dhe mos-rënia në provokimet e mundshme që eventualisht mund të shihen”, ka thënë Ahmeti.

Por, ndryshe mendon eksperti i çështjeve ushtarake dhe të sigurisë, Ramadan Qehaja.

Qehaja në një prononcim për Telegrafin ka thënë se është e panevojshme shpallja e gjendjes së jashtëzakonshme.

“Mos-koordinimi i Presidencës me Qeverinë nuk i kontribuon situatës së tërësishme në vendin tonë sepse koordinimi në mes institucioneve duhet të jetë prezent gjithnjë. Në momentin aktual me këta 19 persona të prekur me coronavirus dhe gjitha masat që i ka ndërmarr Qeveria e që unë i vlerësoj si të mira, konsideroj se futja e gjendjes së jashtëzakonshme në vendin tonë në momentin aktual nuk është e nevojshme”, ka thënë Qehaja.

Ai ka shtuar se tradicionalisht gjendja e jashtëzakonshme shpallet kur ka rrezik fizikë për destabilizimin e situatës së sigurisë, nga faktorë të jashtëm dhe të brendshëm, por edhe në raste të fatkeqësive natyrore. Në rastin konkret rreziku vjen nga një epidemi e “padukshme” e cila e ka kapluar globin dhe nuk ka adresë mbi bazën e së cilës gjendja e jashtëzakonshme do t’i kundërvihej./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori