“Duhet të largohet nga PSG, ata nuk janë një klub futbolli”, legjenda franceze këshillon Messin

Fituesi i Kupës së Botës me Kombëtaren e Francës, Emmanuel Petit i ka kërkuar sulmuesit argjentinas, Lionel Messit, të largohet nga Paris Saint-Germain.

Ashtu si Messi, Petit luajti për Barcelonën dhe PSG-në, dhe mbeti i zhgënjyer nga sulmet e tifozëve të Parisit për argjentinasin në fundjavë.

“Vërshëllimat ndaj Messit janë një fyerje për futbollin dhe nëse mund t’i jap disa këshilla Leos, le të largohet nga ky klub”, ka thënë fillimisht Petit për RMC.

Lexo po ashtu Reagimi i Lionel Messit kur tifozët e Paris Saint-Germain vërshëllyen emrin e tij tregon shumë

“Dëgjoj shumë kritikë që thonë se Messi ecën në fushë. Por, të gjithë ne që e kemi ndjekur Messin që kur ishte Messi, edhe në ditët më të mira të Barçës, gjithashtu ecte”.

“Messi është mjeshtri i orkestrës, ai drejton dhe janë lojtarë të tjerë, rreth tij, të cilët duhet të bëjnë përpjekje”.

“Argjentina ishte kampione bote që rrethonte Messin me luftëtarë, të gatshëm të vdisnin dhe të dhuronin gjakun e tyre për Messin. Ose kur shoh Barçën, të gjithë vrapojnë rreth mësuesve”.

Lexo po ashtu Oferta e çmendur për Messin, sa dyfishi i rrogës së Ronaldos

“Më kujton kur luaja me Zidanen, Zizou nuk do të më thoshte të vrapoja për të mbrojtur, unë duhej ta bëja atë që ai të drejtonte orkestrën”.

“Nuk është një klub futbolli, por një klub që tërheq me para edhe nëse jeni 20 vjeç. Asnjë lojtar nuk ka përparuar ndonjëherë në PSG, nuk është faji i Messit”, përfundoi legjenda franceze. /Telegrafi/