Dua Lipa në kopertinën e revistës “Time” si një nga 100 njerëzit më influencues të vitit

Revista me nam botëror “Time”, ka përzgjedhur top 100 njerëzit më influencues në ardhje.

E në mesin e tyre për herë të parë është edhe një shqiptare, dhe ajo është këngëtarja shqiptare me famë botërore, Dua Lipa.

Dua, e cila ka origjinë nga Kosova por një karrierë të suksesshme globale, ka publikuar në rrjetet sociale Facebook dhe Instagram, kopertinën e revistës “Time”, e cila e ka bërë përzgjedhjen e personave më influencues në ardhje.

View this post on Instagram

A post shared by DUA LIPA (@dualipa)

“Faleminderit Time dhe Kylie Minogue për fjalët e ëmbla. Një nder i vërtet të jesh në kopertinën e Time të 100 njerëzve më influencues në ardhje”, ka shkruar Lipa në Instagram, ndërsa ka falënderuar bashkëpunëtorët e tjerë.

Kryeredaktori dhe CEO i “Time”, Edward Felsentha iu ka shkruar një letër lexuesve, duke theksuar: “Mes një pandemie globale, duke thelluar pabarazinë, padrejtësisë sistematike dhe pyetjeve ekzistenciale në lidhje me të vërtetën, demokracinë dhe vetë planetin, individët në listën e këtij viti sigurojnë ‘me sy të qartë shpresoj’ faktin se do të jenë ndër 100 njerëzit më influencues këtë vit. Ata janë mjekë dhe shkencëtarë që luftojnë COVID-19, avokatë që bëjnë presion për barazi dhe drejtësi, gazetarë që qëndrojnë për të vërtetën, dhe artistët që ndajnë vizionet e tyre për të tashmen dhe të ardhmen”.

Emra të tjerë të famshëm që përfshihen në këtë listë janë: Këngtëtarët Luke Combs , Phoebe Bridgers dhe Anitta, aktori Regé- Jean Page, interpretuesi Chloe X Halle, aktori i humorit Amber Ruffin, aktori Hunter Schafer , CEO i ‘Upsolve’ Rohan Pavaluri , CEO i ‘Depop’-it Maria Raga , biologu detar Ayana Elizabeth Johnson, mjeku Dr. Dairon Elisondo Rojas , dhe strategia politike Jessica Byrd. /Telegrafi/