Dua Lipa dhe i dashuri Callum Turner shfaqen të dashuruar ndërsa mbajnë duart e njëri-tjetrit gjatë një nate në New York

Dua Lipa dhe i dashuri i saj, Callum Turner, janë shfaqur të dashuruar gjatë një nate në qytet në New York të hënën në mbrëmje.

Këngëtarja 28-vjeçare dhe aktori 34-vjeçar u panë së pari duke mbajtur duart ndërsa dilnin nga një restorant në West Village, shkruan DailyMail.

Artistja fituese e Çmimit Grammy – e cila ishte nderuar së fundmi gjatë mbrëmja gala të “Time 100” e përzgjedhur si një nga 100 njerëzit më me ndikim në botë – dhe i dashuri i saj u fotografuan më vonë ndërsa bënin një shëtitje të shkurtër përpara se të ktheheshin në hotelin e tyre.

Dua Lipa mbante të veshur një pallto të madhe me stampë karo që ishte kontrast në mënyrë të përkryer me bluzën e saj të ndezur të verdhë, e cila ekspozonte shumë nga pjesa e saj e tonifikuar e mesit gjatë natës së saj në qytet.

Këngëtarja e hitit “Don’t Start Now” gjithashtu mbante një fund mini me dantella të bardha, taka të përputhura dhe një palë çorape me pika.

Këngëtarja e suksesshme pasuroi pamjen me një çantë të bardhë të ndritshme dhe një palë vathë që shkëlqenin ndërsa shijonte shoqërinë e të dashurit të saj.

Flokët e saj të ngjyrosur të kuqe mbeteshin të lëshuar dhe binin mbi gjoksin e saj dhe supet.

Turner mbante një pamje relativisht të thjeshtë, me një xhaketë të kuqe lëkure me zinxhir, pantallona të gjera të zeza dhe atlete të markës “Nike”.

Dua Lipa dhe partneri i saj u njohën për herë të parë këtë janar kur u panë bashkë gjatë premierës së “Masters Of The Air” në Londër.

Aktori u kap nga TMZ ndërsa dilte nga ngjarja dhe mbeti pa fjalë kur u pyet nëse ishte në një marrëdhënie romantike me këngëtaren.

Çifti duket se konfirmuan marrëdhënien e tyre për publikun kur u panë duke u puthur gjatë një nate në Los Angeles, sipas revistës People.

Një burim i afërt bisedoi me Us Weekly dhe foli për mënyrën se si këngëtarja kishte hyrë shpejt në romancën e re.

“Callum është me të vërtetë marrëdhënia e parë serioze që ajo ka pasur në disa vitet e fundit”, tha burimi.

Burimi vazhdoi të thoshte se kantautorja dhe aktori ishin bërë veçanërisht të afërt për kohën e shkurtër që e kishin kaluar së bashku.

“Dua dhe Callum kalojnë pothuajse të gjithë kohën së bashku dhe janë pothuajse të pandashëm”, shtoi më tej burimi.

I njëjti burim përfundoi duke thënë se këngëtarja ndihej sikur kishte gjetur partnerin ideal në aktor.

“Ata kanë një energji shumë të balancuar dhe Dua nuk mund të ishte më e lumtur se sa është me Callum”, tha ai. /Telegrafi/