Dronët Bayraktar arrijnë në Kosovë?

Ushtria e Kosovës është pajisur me dronët Bayraktar, për të cilët muaj më parë Ministria e Mbrojtjes kishte nënshkruar kontratë me një kompani prodhuese në shtetin e Turqisë.

Siç mëson Telegrafi, dronët kanë arritur gjatë dy ditëve të kaluara në Aeroportin Ndërkombëtar të Prishtinës dhe për këtë kishte edhe prani të shtuar të Forcës së Sigurisë në zonën VIP të Aeroportit.

Lidhur me ardhjen e dronëve në Kosovë kanë shkruar edhe mediat tjera.

Fillimisht Telegrafi nuk ka arritur të kontaktojë me zyrtarë të Ministrisë së Mbrojtjes së Kosovës, ndërkaq më vonë nga kjo Ministri theksuan se FSK është në fazën e dytë të implementimit të Planit gjithëpërfshirës të tranzicionit dhe me prioritet ka ngritjen e kapaciteteve profesionale dhe operacionale, këtu duke përfshirë edhe investimin në pajisjet më moderne ushtarake.

“Për këtë është duke u punuar pandërprerë, ngase synimi ynë është avancimi i ushtrisë në nivelin e standardeve të NATO-s”, thuhet në përgjigjen e Ministrisë së Mbrojtjes.

Ndryshe, presidentja e vendit Vjosa Osmani vitin e kaluar kishte vizituar fabrikën e dronëve “Bayrakar”.

Lexo po ashtu Osmani vizitë në Turqi me ftesë të presidentit Erdogan, viziton një kompani që prodhon dronë ushtarak

“Vizitën në Turqi e fillova në fabrikën për prodhimin e dronëve “Bayaktar”, në Stamboll, e cila është një rrëfim inspirues për arritjet në sferën e avancimit teknologjik dhe inovacionit të ndërlidhur me sektorin e mbrojtjes dhe të sigurisë”, kishte deklaruar Osmani

Lexo po ashtu Ministri Damka: Kosova vazhdon përpjekjet për blerjen e dronëve "Bayraktar"

Edhe ministri i Mbrojtjes, Armend Mehaj gjatë vitit të kaluar kishte realizuar edhe një vizitë në Turqi, ku për së afërmi ishte njoftuar me dronët dhe teknologjinë e fundit që po prodhohen në kompaninë Bayrakar.

Dronët inteligjentë janë sulmues pa pilotë, që kontrollohen nga një bazë tokësore.

Dronët Bayraktar, TB2, hyjnë në mesin e armëve që kanë qëndrueshmëri të gjatë në lartësi të mesme (MALE), me rekord fluturimi deri në 27 orë e 3 minuta dhe përveç sulmeve të armatosura kanë për funksione kryesore misionet e inteligjencës, vëzhgimin dhe zbulimin.

Ndryshe, edhe një kontrollues i trafikut ajror, Gerjon ka shkruar rreth dronëve Bayraktar.

“Zetavia” Ilyushin Il-76TD ??UR-CTX flew from ??Tekirdag Corlu Airport to ??Pristina in Kosovo yesterday and seems to do the same now.

Back in Dec 2022, it was announced that Kosovo is interested in purchasing Bayraktar TB2 drones, wich are usually delivered through Tekirdag. https://t.co/9tVKbSpamZ pic.twitter.com/w4rilv8a7g

— Gerjon | חריון | غريون | ኼርዮን (@Gerjon_) May 4, 2023