Draft-rezoluta për gjenocidin, krimet kundër njerëzimit dhe krimet e luftës në Kosovë të shkaktuara nga ana e ish-regjimit shtetëror serb, e cila u diskutua sot në komisionin ad hoc, tani ka marrë formën e duhur.
Disa nga anëtarët e komisionit ad-hoc për hartimin e projekt-rezolutës për gjenocidin, krimet kundër njerëzimit dhe krimet e luftës në Kosovë, patën kritika dhe vërejtje teknike, por e cilësuan edhe si të vonuar.
Jahja Lluka, këshilltar i kryeministrit Ramush Haradinaj, në një prononcim për Telegrafin ka thënë se kjo rezolutë është e vonuar.
Sipas tij duhet shkuar më tej rezolutës për krimet dhe gjenocidin serb në Kosovë.
“Draft Rezoluta pa dyshim që është e vonuar, por iniciativa e kryetarit të parlamentit besoj që do të shkoj më larg se rezoluta. E gjithë kjo pasi që rezoluta nuk është obligative sikur edhe shumë rezoluta tjera. Krimet serbe duhet të shkojnë më larg, në ndonjë Gjykatë Speciale”, ka thënë ai.
Lluka ka theksuar se duhen hapa konkret për gjykimin e kriminelëve të masakrave në Kosovë.
“Pra, rezoluta është e mirëseardhur, por mendoj se jemi shumë vonë, sepse efekti i saj nuk është obligativ, prandaj duhet të ecim më larg, me hapa konkret me gjykimin e kriminelëve të masakrave në Kosovë”, është shprehur ai.
Sipas njohësit të çështjeve politike, Ramush Tahiri, rezoluta është e vonuar pasi që ka ardhur 20 vite më vonë pasi që kanë ndodhur krimet.
Tahiri në një prononcim për Telegrafin ka thënë se pavarësisht vonesës së saj, krimi nuk është vonë të gjykohet.
“Rezoluta kurrë nuk mundet të jetë e vonuar, përderisa nuk janë gjykuar dhe nuk janë dënuar krimet. Pse është 20 vite pasi kanë ndodhur krimet, normalisht që është e vonuar, mirëpo krimi nuk vonohet kurrë dhe kurdo që del para drejtësisë, kudo që gjykohet është gjë e mirë”, ka thënë ai.
Ndër të tjera, ai theksoi se kjo rezolutë duhet të përcillet në institucione ndërkombëtare dhe se sipas tij edhe nga këto institucione duhet të nxirret një rezolutë që gjykon krimin serb në Kosovë.
“Rezolutat e Kuvendit të Kosovës shërbejnë si shtytje dhe si orientim, edhe si shprehje e vullnetit, por ato duhet të materializohen me ligje dhe me veprime. Tash rezoluta për gjenocidin duhet të përcillet në institucione ndërkombëtare dhe tek Këshilli i Evropës, pasi që ne kemi përfaqësues atje, sikur që ishte Raporti i Dick Martit. Duhet të kërkohet një rezolutë e Këshillit të Evropës për këtë çështje, edhe në Parlamentin evropian, përmes vendeve mike dhe përmes Shqipërisë, pra të futet një rezolutë për gjenocidin që ka ndodhur në Kosovë”, është shprehur ai.
Tahiri, ndër të tjera ka thënë se Kosova duhet ta krijojë edhe një Gjykatë speciale për gjenocidin serb dhe krimet e luftës.
“Duhet të krijohet një Gjykatë Speciale për krimet e luftës në Kosovë. Ne tani e kemi një Gjykatë ndërkombëtare që e miratoj Kuvendi, e cila është me prokurorë dhe gjyqtarë ndërkombëtarë, që të akuzuarit, dëshmitarët janë kosovarë. Kjo Gjykatë është kundër krimeve të pretenduara të UÇK-së. Ndërsa neve na duhet një Gjykatë Speciale për krimet e luftës që kanë ndodhur në Kosovë, dhe që ka për objekt ata paramilitarët e Serbisë, e po ashtu ku Kosova përmes Interpolit duhet të kërkoj që t’i ekstradoj dhe t’i dënoj në Kosovë. Gjithashtu Kosova mund të paraqes kërkesë të bëhet një gjykatë ndërkombëtare për këto krime, dhe gjenocidin e Serbisë, sepse Gjykata e Hagës nuk ia arriti me sukses t’i dënoj një numër të vogël të personave, duke mos dënuar as Millosheviqin”, është shprehur ai.
Ndryshe sot anëtarët e komisionit ad hoc për hartimin e projekt-rezolutës për gjenocidin, krimet kundër njerëzimit dhe krimet e luftës në Kosovë, janë pajtuar që rezolutës t’i bashkëngjitet edhe lista e masakrave të kryera nga forcat serbe në Kosovë./Telegrafi/
Promo
Reklamo këtuLufta Prigozhin - Putin
Më shumëNga Rubrika
Pas vizitës në selinë e NATO-s, gjenerali Ulutash: Vetëm zgjidhje politike mes Kosovës e Serbisë
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Osmani thekson rëndësinë e anëtarësimit të Kosovës në KiE
"Serbia po frikëson dhe shantazhon qytetarët e Kosovës"- Qeveria shpalos detaje tjera nga biseda telefonike Kurti-Macron
Ndërtimi i tunelit në rrugën “Agim Ramadani” në Prishtinë, në fazën e prokurimit - Rama publikon pamjet
Votoi pro Kosovës në Asamblenë Parlamentare të KiE-së, kërcënohet deputeti boshnjak
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert