Dortmundi dhe Augsburgu në bisedime të avancuara për transferimin e Mërgim Berishës në Signal Iduna Park

Mërgim Berisha mund të largohet nga Augsburgu vetëm pas një viti qëndrim te kjo skuadër.

Augsburgu e ka blerë këtë verë Berishën për shifrën e katër milionë eurove nga Fenerbahce, mirëpo dëshira e lojtarit është të bëj një hap para në karrierën e tij.

Gjiganti gjerman Borussia Dortmund është një kërkim të një sulmuesi dhe Sky Sport ka raportuar se Mërgim Berisha është në radarin e tyre.

Lexo po ashtu Berisha kërkon largimin nga Augsburgu, klubi gjerman pritet ta shesë pesë herë më shtrenjtë se sa e bleu

25-vjeçari kosovar me pasaportë gjermane është i gatshëm për t’iu bashkuar verdhezinjve dhe po pret që dy klubet të gjejnë një marrëveshje.

Sipas mediumit gjerman dy skuadrat janë në bisedime dhe 48 orët e ardhshme janë vendimtare për tu arritur një marrëveshje.

Augsburgu është gati ta lejoj Berishën të largohet për të bërë një hap para në karrierën e tij, por i ka bërë të qartë se pa u paguar 15 milionë euro një gjë e tillë nuk do të ndodhë.

Lexo po ashtu Mërgim Berisha pas debutimit: Ka qenë gjithmonë ëndërr të luaj për Gjermaninë

Sezonin e kaluar Berisha në 23 ndeshje në Bundesliga realizoi nëntë gola e dhuroi katër asistime duke bërë që falë formës së mirë të marrë ftesë edhe nga Kombëtarja A e Gjermanisë.

Interesim për kosovarin kanë shprehur edhe dy skuadrat tjera gjermane si VfL Wolfsburg dhe SV Werder Bremen. /Telegrafi/