‘Dorën në bel dhe puthje pasionante me ndihmësen e tij’ – kërkohet dorëheqja e sekretarit britanik të Shëndetësisë, për shkeljen e masave kufizuese

Matt Hancock po përballe me thirrje për dorëheqje nga pozita e sekretarit të Shëndetësisë pasi shkeli udhëzimin për distancën sociale, duke shkëmbyer puthje me një kolege.

Sipas BBC, përcjell Telegrafi, pas publikimit të fotografive ku po shkëmbente puthje me Gina Coladangelo, Hancock kërkoi falje – derisa ato imazhe thuhet se u shkrepën më 6 maj.

Duncan Baker është deputeti i parë Tory që i tha hapur qeverisë që Hancock duhet të japë dorëheqje, derisa ish-sekretarja e shtetit, Esther McVey tha se ajo do të jepte dorëheqje nëse do të ishte në pozicionin e Hancock.

Nga ana tjetër, kryeministri britanik, Boris Johnson e konsideron këtë çështje si të mbyllur.

Një zëdhënës i Downing Street, tha se Johnson e pranoi faljen e Hancock, duke shtuar se ai kishte besim të plotë te sekretari i Shëndetësisë.

🚨THE VIDEO WITH SOUND🚨
Finally we can hear #matthancock moisturising his secretary 💦😬😳😱#sackmatt #londonprotest #MinorityReport pic.twitter.com/2lLKSf7Rog

— Dapper Laughs (@dapperlaughs) June 26, 2021

Laburistët dhe grupi Familjet e Bereaved për Drejtësinë për COVID-19, gjithashtu kanë bërë thirrje që sekretari i Shëndetësisë të shkarkohet.

Hancock u kap në kamera ndërsa puthej me pasion me ndihmësen e tij, ndërsa dorën e kishte poshtë belit, transmeton Telegrafi.

Kurorëshkelësja nga videoja është Gene Coledangelo, e cili filloi të punonte si këshilltare e ministrit në muajin mars të vitit të kaluar, raporton Thesun. /Telegrafi/