Dolly Parton thyen tre rekorde botërore Guinness

Dolly Parton ka shtuar edhe më shumë sukses në karrierën e saj mbresëlënëse muzikore!

Këngëtarja e “Jolene”, 75 vjeçe, iu dhanë tre certifikata të reja në Nashville, Tenesi, nga Rekordet Botërore Guinness.

Dy tituj të rinj të rekordeve për këngëtaren janë për më shumë dekada dhe më shumë këngë në pozitën numër një në tabelën e “Billboard US Hot Country Songs”, të dyja nga një artiste femër.

Parton theu gjithashtu rekordin e saj për më së shumti këngë në tabelë në përgjithësi, me 109 këngë që kanë hyrë në top-listën e Billboard.

“Kjo është ajo lloj gjëje që të bën vërtet shumë të përulur dhe shumë mirënjohës për gjithçka që ka ndodhur. Nuk e kisha idenë se do të isha në Rekordet Botërore të Guinness shumë herë! Jam e nderuar”, tha Parton në një intervistë për organizatën, shkruan People.

“Kam pasur shumë njerëz që më kanë ndihmuar të arrij këtu. Faleminderit të gjithëve ju që më ndihmuan të kem gjithë këtë. Më ka pëlqyer të jem në gjendje të siguroj jetesën në biznesin që e dua aq shumë. Unë kam qenë shumë me fat që kam parë ëndrrat e mia të realizohen dhe thjesht shpresoj të vazhdoj për aq kohë sa të mundem. Ju do të duhet të më rrëzosh për të më ndaluar!”, shtoi tutje ajo.

Parton filloi të bënte këngë hit në 1967 me “Something Fishy” dhe “Dumb Blonde”, dhe së fundi arriti sukses në top-listën e Billboard me duetet e saj të fundit “Does He Love You” me Reba McEntire dhe “Cuddle Up, Cozy Down Christmas” me Michael Buble.

Muajin e kaluar, superylli ndau një fotografi të rrallë të vetes dhe bashkëshortit të saj, Carl Thomas Dean 79-vjeçar në Instagram për të festuar Ditën e Falënderimeve.

Përveç suksesit të saj muzikor rekord, Parton është planifikuar të shfaqet në sezonin e fundit të serialit të Netflix, “Grace and Frankie”. /Telegrafi/