‘Djajtë e Kuq’ thyejnë dominimin 11-vjeçar të ‘Mbretërve’, janë ekipi me më shumë të ardhura në sezonin e fundit (Foto)

Manchester United kanë arkëtuar fitime rekorde në sezonin e kaluar, duke i bërë ata ekipi me më shumë të ardhura në sezonin e fundit, duke rrëmbyer pozitën e parë pas më shumë se një dekade.

Deloitte Football Money ka përpiluar një raport ku ka bërë të ditur 20 klubet më të rëndësishme në Evropë në baza të arkëtimit të të ardhurave, ku vetëm në sezonin e fundit këto skuadra kanë arkëtuar plot 7.4 miliardë euro.

Lexo po ashtu Top 100 lojtarët më të shtrenjtë: Messi lë pas CR7, por nuk është i pari – në listë edhe Mustafi e Xhaka (Foto)

Sipas këtij raporti, Manchester United është ngritur në pozitën e parë nga vendi i tretë, si skuadra me fitimet më të mëdha për sezonin 2015/2016, duke lënë pas vetes gjigantët spanjoll, Barcelonën dhe Real Madridin, përcjell Telegrafi.

Të ardhurat e Unitedit janë rritur në mënyrë dramatike gjatë periudhës një vjeçare nga 395 milionë funte në 515.3 milionë apo thënë në euro plot 689 milionë. Në vendin e dytë është Barcelona që ka arkëtuar plot 620.2 milionë, duke lënë pas vete rivalët e tyre më të mëdhenj me 620.1 milionë euro.

Lexo po ashtu Kompanisë së Adidasit i rrjedhin nga dora fanellat e reja të Realit, Juventusit, Bayernit dhe Mancheseter Unitedit (Foto)

Lista e skuadrave me përfitimet më të mëdha vazhdon me Bayern Munich dhe Manchester City, ndërsa pas tyre radhiten edhe skuadra tjera të mëdha si Paris Saint-Germain, Arsenal, Chelsea, Liverpool dhe Juventus të cilat përmbyllin ‘Top 10’.

Skuadra tjera të mëdha në këtë lista janë edhe Atletico Madrid, Inter, Milan, Roma dhe Borussia Dortmund. /Telegrafi/