Disa këshilla thelbësore rreth agjërimit

Muaji i Shenjtë i Ramazanit ka filluar zyrtarisht në Kosovë nga data 13 prill dhe do të vazhdojë për 30 ditë – deri më 12 maj.

Gjatë kësaj periudhe, adhuruesit agjërojnë, gjë që u kërkon atyre të shmangin ushqimin dhe ujin. Prandaj, është krejt e natyrshme të ndiheni të lodhur dhe të uritur deri në vaktin e mbrëmjes për Iftar.

Sidoqoftë, në vend që të zgjidhni menjëherë ushqime që mund t’ju bëjnë të ndiheni të fryrë, është e rëndësishme që së pari të rimbushni lëngjet e humbura për të parandaluar dehidratimin.

“Vakti i parë pas një agjërimi të gjatë duhet të jetë i vogël dhe të përfshijë ushqime që japin elektrolite të menjëhershme, lëng dhe pak sheqer. Kjo është arsyeja pse Iftari tradicionalisht përfshin shumë pije, fruta, hurma, etj. Mënyra më e mirë për të zëvendësuar lëngjet e humbura dhe elektrolitet është të prishni agjërimin me ujë kokosi ose ujë të kripur me limon me një sasi të vogël sheqeri nga dy hurma, kumbulla të thata, fiq të thatë ose fruta të freskëta”, përmendi nutricionistin Rashi Chowdhury në një postim në Instagram.

Cilat janë ushqimet e duhura për Iftar?

Sipas trajnerit të stilit të jetës, Luke Coutinho, ndiqni këto udhëzime:

• Ushqime që shuajnë etjen si trangull, kungull i njomë, dhallë , gjizë, pjepër dhe banane

• Karbohidratet komplekse për të mbajtur një ndjenjë të plotë dhe energjike, duke përfshirë tërshërë pa sheqer dhe grurë të plotë

• Proteinat për riparim dhe rritje, duke përfshirë vezë dhe arra

• Yndyra të mira për ngopjen, funksionet vitale, hormonet dhe vitaminat e tretshme në yndyrë, duke përfshirë avokado.

View this post on Instagram

A post shared by Luke Coutinho – Lifestyle (@luke_coutinho)

Çfarë mund të ndihmojë?

Bëni një pushim lutjeje ose një seancë të shpejtë stërvitjeje para se të hani vaktin tuaj më të madh, tha Rashi Chowdhury. Për vaktin ose darkën tuaj kryesore, pjata juaj duhet të ketë 30 për qind karbohidrate të pastra, 30 për qind proteina të mira dhe 30 për qind të perimeve me fibra të larta.

View this post on Instagram

A post shared by Rashi Chowdhary (@rashichowdhary)

Sidoqoftë, çelësi qëndron në kontrollin e pjesëve. “Është shumë e rëndësishme të shikoni pjesën tuaj të frutave pasi nuk do të donit ta tepronit nëse jeni diabetik, keni PCOS, rezistencë ndaj insulinës ose po përpiqeni të humbni peshë”, përfundoi ajo. /Telegrafi/