Dimitrov: Kemi shumë pak pika të ndritshme në Ballkan, koha që BE të mbaj fjalën

Beteja jonë sot është në fakt betejë e Evropës me vetveten, për të mbajtur fjalën e saj. Është koha për të filluar negociatat e merituara për anëtarësimi dhe kështu do të jemi fitues të përbashkët, kështu u shpreh sot zv/kryeministri për Çështje Evropiane, Nikolla Dimitrov gjatë shënimit të Ditës së Evropës.

Lidhur me pritjet nga Sofja zyrtare, Dimitrov tha se zgjedhjet e reja dhe qeveria teknike në Bullgari paraqesin një kontekst të vërtetë politik që është sfidues dhe se është e qartë, siç tha ai, se “as ne as BE në rajon, as fqinjët dhe ata që janë anëtarë të Unionit, nuk e kanë luksin që të presin më gjatë”.

“Shumë kohë ka kaluar, mendoj se ekziston një problem i madh me perspektivën evropiane në shumë vende. Kemi zgjedhje tjera – në vendin tonë ka zgjedhje lokale në vjeshtë, në Bullgari ka zgjedhje presidenciale në nëntor. Por, pavarësisht nga sfidat, duhet ta shohim njëri-tjetrin dhe ta kthejmë plotësisht dinamikën. Kjo do të ishte mirë për ne.

Do të ishte mirë që me Sofjen të kthehemi në rrugën e duhur të partneritetit dhe miqësisë, kjo do të jetë gjithashtu shumë mirë për Bashkimin Evropian.

Vitet e fundit kemi shumë pak pika të ndritshme në Ballkan. Shpresa vjen nga Maqedonia e Veriut dhe kjo është arsyeja pse vendimet që do të merren rreth nesh do të kenë një reflektim në të gjithë rajonin e Ballkanit Perëndimor. e jona është që të gjejmë mënyrë, në përputhje me parimet evropiane, të dalim, në një farë mënyre, nga ky ngërç shumë i dëmshëm këtë vit”, tha Dimitrov.