‘Besa për Kosovën’ dhuron 200 pako me ushqime për familjet në nevojë në Vushtrri
Janë 200 pako me ushqime dhe produkte bazë të higjienës i janë dorëzuar sot Komunës së Vushtrrisë, e të cilat do të shpërndahen tek familjet në nevojë në këtë komunë.
Këto pako janë dhuruar nga Rrjeti i Bizneseve Shqiptare nga Bavaria “Fondacioni Besa”, Klubi i Prodhuesve të Kosovës, organizata Germin, në kuadër të fushatës “Besa për Kosovën: Diaspora në ndihmë të atdheut gjatë COVID-19”.
Të gjitha produktet e këtyre pakove janë produkte vendore, në mënyrë që të ndihmohen edhe prodhuesit vendor edhe familjet në nevojë.
Kryetari i Komunës së Vushtrrisë, Xhafer Tahiri, tha se këto pako janë shumë të nevojshme për familjet në nevojë në këtë kohë kur vendi po përballet me pandeminë COVID-19.
Ai tha se e veçanta e këtyre pakove është se të gjitha janë produkte vendore, që sipas tij në këtë mënyrë përveç familjeve në nevojë po ndihmohen edhe prodhues it vendor.
Tahiri u shpreh se diaspora si gjithmonë edhe këto kohë po i del në ndihmë atdheut, për çka ai ka falënderuar mërgatën në emër të të gjithë vushtrriasve.
Kreu i Vushtrrisë deklaroi se ka kërkuar nga Qeveria e Kosovës që të blejë pataten nga fermerët e vendas, derisa potencoi se mbështet nismën e Klubit të Prodhuesve që të bëhet ndryshimi i ligjit të prokurimit, në mënyrë që t’i jepet përparësi prodhimeve vendore.
“Unë do t’i bashkohem thirrjes së Klubit të Prodhuesve vendor që ligji i prokurimit i Republikës së Kosovës të ndryshohet në atë mënyrë që edhe në emër të mbrojtjes së ambientit do të mundësojë më tepër qasje dhe do t’i jep përparësi prodhuesve vendor brenda Kosovës për çdo produkt që blihet përmes ligjit të prokurimit publik në Kosovë. Sidomos tek çështja e patates, unë kam bërë kërkesë tek Qeveria që të blejë pataten që aktualisht është në stok tek fermerët e Vushtrrisë të jetë në rezervën shtetërore dhe pastaj të distribuohet tek komunat në mënyrë që ajo të shpërndahet tek rastet sociale. Kjo do të kishte efekt shumë të madh edhe tek bujku sepse do të kishte me çka ta mbjell prapë tokën e vet dhe do të kishim prapë prodhime të patates në vjeshtë”, tha ai.
Tahiri bëri të ditur se të gjitha ndihmat do të dërgohen me listë në shtëpi nga vullnetarët, ku pastaj ajo listë do të dërgohet tek donatorët me qëllim që gjithçka të jetë transparente.
Kurse, drejtori i Klubit të Prodhuesve të Kosovës, Astrit Panxha tha se qeveria duhet të blejë pataten për rezerva shtetërore nga fermerët e Vushtrrisë, në mënyrë që të stimulohet ekonomia vendore.
“Me këtë fushatë ne edhe i mbrojmë vendet e punës, sepse janë produkte vetëm të Kosovës, si dhe po iu ndihmojmë familjeve në nevojë…Është shumë më rëndësi që ligji i prokurimit publik të ndërrohet, sepse Qeveria është shpenzuesi më i madh në ekonomi në qoftë se mjetet e shpenzuara përdoren për blerjen e produkteve vendore atëherë siç tha edhe kryetari efekti do të jetë shumë më i madh. E kemi rastin e patates që është në Vushtrri, duhet Qeveria të blejë rezerva të stimulojë ekonominë dhe vetëm në këtë formë ne do ta tejkalojmë këtë krizë që po përballemi sot”, tha ai.
Për të gjitha pakot që janë dhuruar sot në Vushtrri, Panxha tha se do të dokumentohet çdo cent se ku është shpenzuar, në mënyrë që donatorët të dinë se ku kanë shkuar paratë e tyre.
Ndihma me pako ushqimore do të jetë e vazhdueshme për të gjitha komunat e Kosovës. Kështu deklaroi drejtoresha e organizatës Germin, Sihana Bejtullahu.
“Kjo fushatë është e vazhdueshme, sot jemi në Komunën e Vushtrrisë, po ne do të vazhdojmë edhe në komunat tjera duke marrë parasysh që nevoja është shumë e madhe dhe ne nuk e dimë se sa do të zgjasë”, tha ajo.
“Besa për Kosovën: Diaspora në ndihmë të atdheut gjatë COVID-19”, është fushatë humanitare për mbledhjen e fondeve kryesisht nga diaspora, për të ndihmuar familjet të cilat janë në kushte të vështira ekonomike gjatë pandemisë së shkaktuar nga virusi COVID-19, dhe njëkohësisht për të mbështetur prodhuesit vendorë, duke qenë se produktet e këtyre pakove janë 100 për qind “Made in Kosova”. /KP/
Promo
Reklamo këtuLufta Prigozhin - Putin
Më shumëÇka është rregulla 30:30:30:10 kur bëhet fjalë për financat dhe si duhet ta shfrytëzoni?
Vazhdon super oferta për Peugeot 2008 nga Mercom Company
Studio Infermierinë (Ausbildung) në Gjermani dhe fito pagë mujore gjatë studimeve
Kurrë s’e ke pas ma lehtë se me Telegrafi Jobs me gjetë punë!
A jeni gati për mbrëmjen e Maturës?
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'