Dy raste, ‘dhunë në familje’ kanë ndodhur të enjten dhe të premten, në Fushë Kosovë dhe Drenas.

Në Fushë Kosovë, vëllai i mitur kishte sulmuar fizikisht motrën e tij, ku më pas është arrestuar nga Policia e Kosovës, të enjten rreth orës 23:30.

“Është arrestuar i dyshuari i mitur mashkull K-Shqiptar, pasi që i njëjti kishte sulmuar fizikisht motrën e tij viktimën femër K-Shqiptare. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e policisë.

Edhe në rastin e dytë i cili ka ndodhur të premten rreth orës 17:15, vëllai i mitur kishte sulmuar fizikisht motrën e tij, në Drenas ku më pas është arrestuar nga policia.

“Është arrestuar i dyshuari i mitur mashkull K-Shqiptar, pasi që i njëjti kishte sulmuar fizikisht motrën e tij viktimën femër K-Shqiptare. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet ndër të tjera në raport.

Të dyja viktimat kanë pranuar tretman mjekësorë nëpër qendrat e shëndetit të vendeve përkatëse. /Telegrafi/