‘Dhimbje koke’ për Flick, shkaku i lëndimit të rëndë, ylli i Barcelonës mund të mungojë katër muaj

Mbrojtësi i Barcelonës dhe Uruguait, Ronald Araujo, u lëndua në takimin mes Uruguait dhe Brazilit që u zhvillua në kuadër të çerekfinaleve të Copa Americas.

Fillimisht mendohej se ishte një lëndim i lehtë, por tani është mësuar se Araujo mund të mbetet jashtë fushave për më shumë kohë se sa pritej.

Araujo do të rikthehet sot (e hënë) tek Barcelona për t’iu nënshtruar testeve mjekësore, pasi kombëtarja e Uruguait nuk arriti ta gjejë diagnozën e qartë të lëndimit.

Raportimet e para pas përfundimit të ndeshjes ishin se Araujo do të mungojë nga gjashtë deri në tetë javë.

🚨✅ BREAKING: After the medical tests it’s found that there is a real risk that Ronald Araújo’s injury will require surgery, which would keep him away from the soccer field for several months. @tjuanmarti
pic.twitter.com/sX43CfZRhc

— Bᴀʀᴄ̧ᴀVᴇʀsᴇ (@BarcaVerse_) July 15, 2024

Sidoqoftë, e përditshmja katalanse Sport ka raportuar se lëndimi i Araujos nuk mund të kurohet vetëm me një pushim, rehabilitim apo plan rikuperimi dhe varësisht nga testet, atij mund t’i duhet t’i nënshtrohet operimit.

Në rast se ndodh kjo gjë, atëherë Araujo do të ishte minimumi jashtë fushave për të paktën katër muaj.

Kjo padyshim që do të ishte një goditje e madhe për Barcelonën. Në fushë, ai mbetet mbrojtësi i tyre më i mirë sidomos në dy vitet e fundit.

Jashtë fushës, Barcelona nuk ka qenë në gjendje të negociojë me Araujon për një marrëveshje të re, që do të thotë se shitja e tij mbetet një opsion nëse palët nuk arrijnë marrëveshje./Telegrafi/