Deutsche Telekom ofron thirrje pa pagesë për një javë drejt Turqisë dhe Sirisë

Deutsche Telekom ka njoftuar se nuk do të tarifojë thirrjet drejtë Turqisë dhe Sirisë, me qëllim që të lehtësojë komunikimin pas tërmetit të ndodhur në këto dy vende.

Gjiganti gjerman i telekomunikacionit thekson se nuk do t’i tarifojë përdoruesit për thirrjet deri më 15 shkurt.

“Imazhet dhe raportet që po na vijnë aktualisht nga Turqia dhe Siria na prekin thellësisht. Ne duam të tregojmë solidaritet”, theksoi shefi ekzekutiv Tim Höttges, duke shtuar se shumë punëtorë të kompanisë kanë lidhje familjare me Turqinë dhe Sirinë.

Wir sind tief betroffen über das Erdbeben in der Türkei und Syrien. Aufgrund der aktuellen Lage sind Anrufe in und aus der Türkei oder Syrien vorübergehend kostenfrei. Zudem spenden wir eine Million Euro an @AktionDHilft. pic.twitter.com/84R8UUKk5R

— Deutsche Telekom (@deutschetelekom) February 7, 2023

Më shumë se tre milionë shtetas gjermanë janë me origjinë turke dhe Gjermania ka pranuar gjithashtu një milion refugjatë sirianë.

Sipas të dhënave të fundit, tërmeti i ndodhur të hënën ka marrë më shumë se 11 mijë jetë njerëzish. /Telegrafi/