Derisa disa vende janë në mëdyshje, Çekia ka dërguar tanke dhe mjete luftarake këmbësorie në Ukrainë

Republika Çeke ka dërguar disa tanke T-72 dhe automjete luftarake të këmbësorisë BVP-1 në Ukrainë, raporton reuters, duke cituar një burim nga sektori çek i mbrojtjes.

Kështu ai ka konfirmuar pretendimet e televizionit çek, i cili ka publikuar në Twitter pamjet e trenit me pesë tanke dhe pesë mjete luftarake.

Siç thuhet, dërgesa është një dhuratë që është rënë dakord me aleatët e NATO-s.

#CzechRepublic has already sent dozens of older T-72 tanks + BMPs to #Ukraine.

Equipment have been sent as a „gift“ from Czech Army after the discussion with NATO allies.https://t.co/eQNoS0EAiw pic.twitter.com/LGTiskrQQk

— Filip Horký (@FilipHorky) April 5, 2022

Televizioni tha se këtë informacion e konfirmoi kreu i komisionit për çështje evropiane të dhomës së ulët të parlamentit çek, Ondrej Benešik, i cili tha për reuters se këtë e kishte mësuar nga një ekspert i mbrojtjes nga Partia e tij Kristian Demokratike.

Një burim i reuters nga sektori çek i mbrojtjes konfirmoi gjithashtu se tanke dhe automjete luftarake ishin dërguar në Ukrainë, por nuk pranoi të fliste për detajet e dërgesës për arsye sigurie.

Ministrja çeke e Mbrojtjes, Jana Chernohova u tha ligjvënësve se nuk do të konfirmonte dhe as mohonte detajet e ndihmës çeke për Ukrainën. /Telegrafi/