Komuna e Gjilanit ka vendosur ta lë pa vend pune, psikologen Shqipe Kastrati-Haziri, duke mos e lejuar të kthehet në vendin e saj të punës si psikologe e shkollave pranë Drejtorisë Komunale të Arsimit.
Shqipe Kastrati-Haziri për vite ka punuar në institucione arsimore, si psikologe e shkollave pranë Drejtorisë së Arsimit në Komunën e Gjilanit, së fundi edhe drejtoreshë e Institucionit Parashkollor “Dardania” në këtë komunë, është larguar nga puna në mënyrë tendencioze.
Të njëjtës i është mbyll dera e zyrës ku ajo kishte punuar duke ia pamundësuar që e njëjta të ushtroj punën e saj.
Kastrati-Haziri në një prononcim për Telegrafin ka rrëfyer gjithë rastin që i ka ndodhur.
“Unë jam psikologe me profesion dhe punoj në Drejtorinë e Arsimit në pozitën e psikologut të shkollave nga 2007. Më 2016 kam marr pozitën e ushtrueses së detyrës për një vjet të drejtorit të Drejtorisë, dhe më 2018 kam shkuar në çerdhe që është objekt i ri edhe institucion i ri publik në Gjilan. Është proces që ka qenë publik dhe ka shkuar me konkurs. Në përfundim të mandatit të parë nuk më vazhdohet kontrata dhe kërkoj me u rikthye në Drejtori të Arsimit në pozitën që kam qenë më herët sepse është dispozitë ligjore”, rrëfen Shqipe Kastrati-Haziri.
Ajo më tej shton se kthimi ka qenë parimor i bazuar në dispozitë ligjore.
“Në periudhën janar-shkurt punoj dhe në mars vjen dilema që është dashur apo jo të kthehem në pozitën që kam qenë me arsyetimin se e ki liruar këtë pozitë dhe nuk ke më çfarë kërkon këtu”, tregon Shqipja.
Shqipja ka treguar se ka pasur shumë takime dhe diskutime në nivel të Drejtorisë së Arsimit, në nivel të zyrës së Kryetarit të Komunës për të gjetur një zgjidhje rreth këtij problemi.
“ Unë kam qenë në një prej këtyre takimeve. Unë në çdo takim kam kërkuar vendim për shfuqizimin e kontratës që e kom pas valide si kontratë e karrierës që nuk ka afat si shërbyes civil. Këtë e kam kërkuar në vazhdimësi, duke pritur për të marrë vendim unë kom marrë një email që mos me shku në punë. Unë e kam shpjeguar edhe verbalisht në takim se nuk e pranoj si sugjerim, sepse është e drejta ime për me ardh në punë dhe me pas vendim për shkëputje, jo me fjalë e dëshira”, tha ajo për Telegrafin.
Kastrati-Haziri tregon më tej se ka vazhduar të shkoj në punë, përkundër sugjerimit që ka marrë me email.
“Janë shterur të gjitha mundësitë, përkundër se ka qenë një ambient shumë frustrues e kam përballu çdo ditë, por thjeshtë s’kam dashur të dorëzohem dhe të mposhtem për dëshira, por kam dashur proces dhe vendime. Nuk kom marr vendim por si mesazh pervers më është mbyll dera dhe i është ndërruar cilindri, dhe nuk kamë mundur me hapë zyrën time dhe nuk kam qenë e njoftuar për një veprim të tillë”, shprehet Kastrati-Haziri.
Ajo ka shtuar se që nga momenti që i është mbyll dera dhe ndërruar cilindri, nuk ka vazhduar të shkoj në punë dhe për këtë problematikë i është drejtuar organeve kompetente.
Për këtë rast ka reaguar edhe LDK dega në Gjilan.
“Qeverisja komunale, në mënyrë tendencioze, arbitrare dhe pa fije turpi, lë pa vend pune një profesioniste të arsimit dhe një nënë, duke mos lejuar të kthehet në vendin e saj të punës si psikologe e shkollave pranë Drejtorisë Komunale të Arsimit, e më skandaloze ishte veprimi ku të njëjtës i mbyllet dera e zyrës ku ajo kishte punuar duke ia ndërruar bravën e derës në mënyrë arbitrare, ngjashëm si para tri dekadave në kohën e regjimit serb”, thuhej në reagimin e tyre.
LDK ka shtuar se kjo qasje dhe sjellje arrogante shpërfaqë tendencën e hakmarrjes politike ndaj kuadrove të LDK-së.
“Ne besojmë në drejtësi dhe shpresojmë se organet kompetente do ta zgjidhin drejtësisht rastin”, thuhej në reagimin e LDK-së.
Telegrafi për dy javë rresht ka pritur të marrë një përgjigje nga ana e Drejtoreshës së Arsimit, Albana Demiri por e njëjta nuk iu është përgjigjur as telefonatave tona e as email-it që i kemi dërguar. /Telegrafi/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe