LAJMI I FUNDIT:

Deputetja shqiptare në Kroaci i reagon presidentit Millanoviq: Kosova ishte pjesë përbërëse e ish-Jugosllavisë si të gjitha shtetet e tjera

Deputetja shqiptare në Kroaci i reagon presidentit Millanoviq: Kosova ishte pjesë përbërëse e ish-Jugosllavisë si të gjitha shtetet e tjera

Deputetja shqiptare në Parlamentin e Kroacisë, ka reaguar pas deklaratave jo-diplomatike të presidentit kroat Zoran Millanoviq.

Ai mes tjerash ka thënë se Kosova i është marrë Serbisë, dhe se Krimea nuk do t’i kthehet Ukrainës, transmeton Telegrafi.

Deputetja Ermina Lekaj Prljaskaj në një postim në Facebook, ka thënë se: “si deputete, ndër të tjera dhe përfaqësuese e pakicës shqiptare në Parlamentin kroat, kam nevojë t’i referohem kësaj deklarate dhe të paraqes disa fakte historike”.

A është ky skandal diplomatik nga presidenti kroat? Millanoviq: Kemi aneksuar Kosovën, është marrë nga Serbia
Lexo po ashtu A është ky skandal diplomatik nga presidenti kroat? Millanoviq: Kemi aneksuar Kosovën, është marrë nga Serbia

Ajo ia ka shpjeguar Millanoviqit se procesi i pavarësisë së Kosovës ishte i njëjtë sikurse ai i Kroacisë.

Më poshtë ju sjellim reagimin e plotë të deputetes Lekaj-Prljaskaj në Kroaci.

Si deputete, ndër të tjera dhe përfaqësuese e pakicës shqiptare në Parlamentin kroat, kam nevojë t’i referohem kësaj deklarate dhe të paraqes disa fakte historike.

Republika e Kosovës u krijua në procesin e shpërbërjes së RSFJ-së, e njëjtë me Republikën e Kroacisë. Është e rëndësishme të theksohet se sipas Kushtetutës së RSFJ-së, Krahina Socialiste Autonome e Kosovës ishte jo vetëm krahinë në kuadër të RV të Serbisë, por edhe element konstituiv i federatës. Edhe përfaqësuesi i Kosovës, Sinan Hasani, ka mbajtur detyrën nominale të kreut të shtetit për një vit, si kryetar i Presidencës.

Kompetencat e përcaktuara me kushtetutë, të cilat në shumë elementë ishin afër një lloj shtetësie të kufizuar, iu hoqën me dhunë Kosovës, në mënyrë që Kosova autonome të degradohej në një njësi administrative në të cilën do të kishte regjim policor dhe persekutim masiv të shumicës shqiptare.

E gjithë kjo, për shkak të rrezikut të një fatkeqësie të afërt dhe shkeljes së dispozitave të së drejtës ndërkombëtare humanitare, çoi në një ndërhyrje humanitare, e njohur në marrëdhëniet ndërkombëtare dhe pikërisht në zonën e Evropës Juglindore.

Prandaj, kontestimi i shtetësisë së Kosovës do të ishte sikur sot po e kontestojmë shtetësinë e Greqisë moderne (e cila u themelua në vitin 1830) ose të Bullgarisë (format e para të shtetësisë moderne të së cilës u njohën më 1878).

Ashtu siç Kushtetuta e RSFJ-së e vitit 1974 dhe aktet e tjera juridike dhe vendimmarrja demokratike e qytetarëve ishin bazë juridike dhe faktike për pavarësinë e Republikës së Kroacisë, i njëjti model u zbatua edhe në rastin e pavarësisë së Republikës të Kosovës.

Republika e Kroacisë ishte ndër të parat që njohu pavarësinë e Republikës së Kosovës dhe vendosi marrëdhënie diplomatike dhe politike të bazuara në partneritet, bashkëpunim dhe nxitje të vlerave evropiane.

Gjithashtu, Republika e Kroacisë mbështet fuqishëm përpjekjet e Republikës së Kosovës për anëtarësimin e saj në integrimet euroatlantike dhe forcimin e pozitës së saj në Evropën Juglindore.

Në dritën e gjithë këtyre marrëdhënieve, dëshiroj të theksoj forumin e parë ekonomik Kroaci – Kosovë, i cili u mbajt javën e kaluar në Prishtinë nën patronatin e kryeministrit të Republikës së Kroacisë dhe atij të Republikës së Kosovës.

Zbatimi i suksesshëm i tij tregon drejtimin në të cilin Kosova dëshiron të shkojë drejt familjes së shteteve evropiane me mbështetjen e Republikës së Kroacisë dhe vendeve të tjera mike.

“Dy vendet tona janë të lidhura historikisht dhe politikisht. Ka ardhur koha që të lidhemi edhe ekonomikisht”, tha kryeministri i Republikës së Kosovës, Albin Kurti, gjatë hapjes ceremoniale të Forumit.

Ky mesazh është pikërisht ai që dua të jetë një udhërrëfyes për të ardhmen tonë të përbashkët. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Putin me deklaratë qesharake: Jemi sulmuar, prandaj po luftojmë

Putin me deklaratë qesharake: Jemi sulmuar, prandaj po luftojmë

Evropa
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori