Zgjedhjet në SHBA, Demokratët forcojnë shumicën në Senat – kandidati i tyre fitoi në Gjeorgji

Demokrati Raphael Warnock u rizgjodh në Senatin e SHBA-së në një balotazh të ngushtë zgjedhjesh në Gjeorgji, duke forcuar shumicën e partisë së tij ndërsa luftoi kundër sfiduesit republikan Herschel Walker.

Fitorja e parashikuar e Warnock është e ngushtë. Me 99% të votave të llogaritura të numëruara, Warnock mori 50.8 për qind kurse Walker 49.2 për qind të votave, transmeton Telegrafi.

Rezultati e forcon Gjeorgjinë si një shtet, që me siguri do të luajë një rol të rëndësishëm në zgjedhjet presidenciale të vitit 2024.

Demokratët kanë fituar tani tri gara për Senatin në dy vitet e fundit në ish bastionin republikan, me presidentin demokrat Joe Biden që fitoi në vitin 2020.

“Le të festojmë për pak në këtë mal. Po vallëzojmë sepse e meritojmë. Por nesër do të kthehemi në luginë për të bërë punën”, tha Warnock, një ministër baptist, turmës së mbështetësve të tij.

Humbja e Walker është gjithashtu një pengesë për Donald Trumpin, i cili po kërkon nominimin republikan për të kandiduar përsëri për Shtëpinë e Bardhë në 2024.

Ish-presidenti mbështeti Walker dhe dhjetëra republikanë të tjerë të shquar në zgjedhjet afatmesme të këtij viti, por përfundoi me rezultate të përziera në zgjedhjet e tij më konkurruese.

Shumica prej 51 senatorëve i mundëson demokratëve të menaxhojnë Senatin më komod, kurse deri tani demokratët dhe republikanët kishin nga 50 senatorë secili dhe vota kryesore ishte e zëvendëspresidentes.

Gjithashtu, shumica prej 51 votash do t’i lejojë demokratëve të marrin frymë më lehtë në krahasim, me disa senatorë që paraqesin kërkesa të veçanta për partinë.

Me gjithë shpresat e tyre, republikanët nuk arritën të marrin shumicën në Senat në zgjedhje, kurse në Dhomën e Përfaqësuesve arritën një fitore shumë më të vogël nga sa pritej. /Telegrafi/