LAJMI I FUNDIT:

“Deklaratat e Kurtit e Osmanit lojë politike”, “Qeveria nuk ka mandat të propozojë draft për Asociacionin” – gjithçka nga intervista me Hazirin

“Deklaratat e Kurtit e Osmanit lojë politike”, “Qeveria nuk ka mandat të propozojë draft për Asociacionin” – gjithçka nga intervista me Hazirin

Nënkryetari i Lidhjes Demokratike të Kosovës, Lutfi Haziri ka folur për Deklaratën e dakorduar në Bruksel ndërmjet Kosovës dhe Serbisë për çështjen e të pagjeturve, çështjen e Asociacionit të komunave me shumicë serbe, rrjedhimisht Ekipin menaxhues dhe çështje tjera aktuale.

Haziri në një intervistë në “Përballje” në Telegrafi.com ka thënë se miratimi i Deklaratës për të Zhdukurit, është përdorur politikisht nga ana e kryeministrit Albin Kurti.

“Plaga më e madhe e Kosovës dje është përdorur për të mbuluar çështjen e draftimit të statutit të Asociacionit, që është problemi më i madh në Kosovë. z.Kurti është fshehur pas plagës më të madhe dje, dhe kjo është ajo e keqe që ka ndodhur në raport me personat e zhdukur me dhunë. Politikisht është shfrytëzuar kjo çështje”, tha ai.

Ai shtoi se Kosova nuk e ka arritur qëllimin që kishte në terminologji të kësaj deklarate.

Numri dy i LDK-së, më tej shtoi se Serbia në këtë rast njihet si një lloj fituese e vogël.

“Kjo e lidhë me atë marrëveshjen për hapjen e arkivave të UÇK-së ku zotëri Bislimi ka ‘rrëshqitur” politikisht në ato bisedime, duke u siguruar se do të ndodh e në fakt nuk ekzistojnë. Kjo është vështirësi serioze për Kosovën sepse Serbia që disa vite e mban peng këtë proces duke kërkuar informacione për këto raste të tij. Serbia në këtë rast njihet një lloj fituese e vogël në këtë raport”, u shpreh Haziri.

Ai shtoi se ky proces do të vazhdoj të mbahet peng sikurse deri tash sepse Serbia insiston në ndarje të informacionit nga ana e Kosovës.

Gjatë kësaj interviste, nënkryetari i LDK-së ka folur edhe për draft-statutin e Asociacionit të komunave me shumicë serbe, duke e quajtur lojë politike deklaratat e Kurtit dhe Osmanit për Asociacionin.

Haziri i quan lojë politike deklaratat e Kurtit dhe Osmanit për Asociacionin – draftin mund ta bëjë vetëm ekipi menaxhues
Lexo po ashtu Haziri i quan lojë politike deklaratat e Kurtit dhe Osmanit për Asociacionin – draftin mund ta bëjë vetëm ekipi menaxhues

Ai ka thënë se ekipi i Kosovës për interes të Kosovës i ka prezantuar kryeministrit  me ndërmjetësim ndërkombëtar dhe në prani të Serbisë, draft-statutin e Asociacionit dhe ky është dështim total.

“Veprimi është i vonshëm, kjo ka mundur të ndodhte para një viti që të shkarkohet ekipi menaxhues sepse Kurti më shumë e një vit nuk ka marrë pjesë në dialog duke mos e trajtuar si prioritet. Elefanti në dhomë është statuti i Asociacionit dhe është dashur të pres që kjo do të ndodh herët a vonë”, ka thënë Haziri.

Ai shtoi se as Qeveria e as Presidentja nuk kanë mandat me propozu draft për Asociacionin.

“S’ka mandat me propozua, kjo është lojë politike. Dalja e presidentes që na duhet me shku me dokument është lojë politike. Ekipi menaxhues e ka mandatin për propozim të draft-statutit askush tjetër”, tha Haziri.

Haziri ka shtuar se ekipi menaxhues që propozohet nga përfaqësuesit e komunitetit serb në këtë rast i bie që ministri i komuniteteve është sponsor i propozimit të ekipit, miratohet nga ana e Qeverisë dhe si i tillë ka termat e punës dhe mandatin.

Nënkryetari i LDK-së, Lutfi Haziri gjatë intervistës në Telegrafi.com /Foto: Ridvan Slivova

“Ata duhet të punojnë në mënyrë të pavarur bazuar në marrëveshjen e vitit 2015. Ky draft duhet të punohet për interes të qytetarëve në Kosovë dhe duhet t’i respekton marrëveshjet, nuk mund të bëjë listë dëshirash të punoj jashtë kornizave të marrëveshjes, ky dokument pastaj i propozohet ndërmjetësit ndërkombëtar që ta nxjerrë para palëve siç ka ndodhur dje, por e keqja në këtë rast është se në Kosovë ka pasur shkëputje, nuk e ka ditë askush as përbërjen deri vonë.

Një marrëveshje eventuale e dakorduar shkon në Gjykatën Kushtetuese. Ju e patë që Kurti paraqiti vërejtjet me shkrim për shkelje të marrëveshjes, por i vetmi autoritet për interpretimin e shkeljes ë marrëveshjes është ndërmjetësi ndërkombëtar, nuk është as Kosova as Serbia”, deklaroi Haziri për Telegrafin.

Nënkryetari i LDK-së shtoi se çdo lloj vonimi në realizimin e këtyre qëllimeve për Kosovën do të jetë barometër matës për ecje përpara, dhe sipas tij kjo lidhet edhe me anëtarësim në Këshillin e Evropës dhe me aspiratat tona për integrime euroatlantike.

Haziri theksoi se formimi i ekipit të ri menaxhues nuk do të duhej të vonohej, derisa shtoi se në Kosovë duhet të “largohet mjegulla që e ka shkaktuar Kryeministri dhe partnerët lidhur me pranimin e Asociacionit, duhet tu thuhet qytetarëve se më 18 mars Kurti ka pranuar Asociacionin”.

Në fund të kësaj interviste, Haziri shtoi se çdo hap i gabuar dhe çdo vonesë do t’i kushtojë Kosovës. “z.Kurti mund ta vonojë me ditë ose javë z.Escobar dhe Borrell, por pikat nuk mund dhe shkallët të mos i kalojë”, tha ai. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori