Deklarata shokuese e kryetarit të Venedikut: Ata që bërtasin “Allahu Akhbar” në sheshin e Shën Markut do të qëllohen (Foto/Video)

Kryetari i Venedikut ka urdhëruar policinë të qëllojnë këdo që bërtet “Allahu Akbar”, shkruan Mirror.

Kjo frazë nga gjuha arabe që do të thotë “Zoti është më i madhi” është dëgjuar në disa incidente terroriste anembanë kontinentit, por ajo zakonisht përdoret nga myslimanët gjatë lutjeve, si një kujtesë për rëndësinë e Zotit në jetën e tyre, transmeton Telegrafi.

Siç raporton Times, kryetari i Venedikut, Luigi Brugnaro beson se kjo frazë është e papranueshme nëse dikush e thotë me zë të lartë në sheshin e Shën Markut.

Ai pretendon se Venediku është më i sigurtë sesa Barcelona – ku 14 persona humbën jetën kur një furgoni i shtypi gjatë javës së kaluar.

Duke folur gjatë një konference në qytetin Rimini në pjesën verilindore të Italisë, ai tha se ky urdhër i është dhënë policisë së armatosur që patrullon në njërën nga zonat më atraktive turistike në Evropë.

Brugnaro është duartrokitur nga delegatët kur ai tha: “Për dallim nga Barcelona që nuk kishin ndërmarrë masa preventive, ne vazhdojmë të mbrohemi”.

“Nëse dikush futet në sheshin e Shën Markut dhe bërtet “Allahu Akhbar”, ne do ta qëllojmë”, ka shtuar ai.

Duke kujtuar arrestimin e pak muajve më parë të katër shtetasve kosovarë nën akuzën se po planifikonin ta hidhnin në erë urën e Rialtos, ai tha se “Ata deshën të shkojnë tek Allahu. Por, ne i dërguam drejt te Allahu para se të na shkaktonin dëme”. /Telegrafi/