Deklarata e Putinit shokon perëndimin, reagon Macron dhe Borrell – paralajmërohen sanksione të reja

Pas lajmit se Moska zyrtare njeh pavarësinë e dy rajoneve që kontrollohen nga separatirstët pro-rusë, ka reaguar presidenti francez Emmanuel Macron që ka thirrur takim Këshillin Nacional për Siguri.

Përfaqësuesi i lartë i BE-së për Politikë të Jashtme dhe Siguri, Josep Borrell, ka paralajmëruar që BE-së do t’i vë sanskione Rusisë nëse Moska sulmon Ukrainën apo njeh pavarësinë e rajonit Donjeck dhe Lugansk, transmeton Telegrafi.

Ai këto komente i bëri pas takimit me ministrat e Jashtëm të BE-së në Bruksel, menjëherë pas njoftimit të Kremlinit ku është paralajmëruar se Putin do të njoh pavarësinë e dy rajoneve që kontrollohen nga separatistët pro-rusë.

Vladimir Putin pretendon se gjatë bisedave telefonike të bëra me presidentin francez Emmanuel Macron dhe kancelarin gjerman Olaf Scholz, i ka njoftuar se planifikon të njoh pavarësinë e dy rajoneve në lindje të Ukrainës.

Madje ishin pikërisht Macron dhe Scholz, që janë shprehur të zhgënjyer me qëllimin e Putinit që të njeh dy rajone të aneksuara që gjenden në territorin e Ukrainës. /Telegrafi/