0Shares

Kryeministri i Shqipërisë Edi Rama, e kishte propozuar Gent Cakajn për ministër të Punëve të Jashtme, por qëndrimet e tij rreth ndryshimit të kufijve në Ballkanin Perëndimor në një emision televiziv, “supozohet” se ndikuan që Presidenti i Republikës së Shqipërisë, Ilir Meta të mos e dekretojë në pozitën e propozuar nga i pari i qeverisë shqiptare.

Presidenti Ilir Meta në letrën e gjatë për mosdekretimin e Cakajt ka thënë se ai nuk ka përvojë, si dhe ka mbajtur qëndrime publike të papranueshme për çështjen e kufijve të Kosovës.

Meta refuzon Gent Cakajn për ministër të Jashtëm të Shqipërisë Meta refuzon Gent Cakajn për ministër të Jashtëm të Shqipërisë

Por çfarë kishte deklaruar Gent Cakaj në emisionin “Zona e Debatit” në Klan Kosova me Baton Haxhiun?

Ai kishte thënë se ndryshimi i kufijve në Ballkanin Perëndimor po konceptohet në suaza të korrigjimeve të përgjithshme.

“Ndryshimi i kufijve semantikisht nuk është thjesht një operacion linguistik për ta relativizuar çështjen e këmbimit territorial, situata ka evaluar tutje. E evoluimi i parë është sepse po konceptohet në suaza të korrigjimeve të përgjithshme territoriale që janë duke ndodhur në Ballkanin Perëndimor”, kishte thënë Gent Cakaj, aktualisht zëvendësministër i Punëve të Jashtme të Shqipërisë.

Rama për mos dekretimin e Gent Cakajt: Vendim skandaloz, turpërues, ndjesë Kosovës Rama për mos dekretimin e Gent Cakajt: Vendim skandaloz, turpërues, ndjesë Kosovës

Ndërkaq, kryeministri Edi Rama mos dekretimin e Gent Cakajt në vend të Ditmir Bushatit e kishte quajtur vendim skandaloz nga ana e presidentit Ilir Meta dhe turpërues për Republikën e Kosovës. /Telegrafi/

Të Ngjajshme
Shfaq Komentet (0)