I dehur dhe ‘i ngopur me drogë’, biznesmeni britanik përplasi Ferrarin e tij – 120 mijë euro shkuan dëm, por ky nuk ishte fundi i ‘dënimeve’ për të

Një shef i një kompanie shkatërroi Ferrarin e tij prej 120 mijë eurove në një përplasje horror derisa ishte duke vozitur me shpejtësi prej 160 km/h, ndërsa ishte i dehur dhe “i ngopur” me kokainë, ka dëgjuar një gjykatë.

Sipas mediave të huaja, përcjell Telegrafi, Darren Turner, 46 vjeç, ishte në gjendje të dehur, kur humbi kontrollin e Ferrarit të tij në Oversley Mill, Warwickshire – Angli, më 23 korrik të vitit të kaluar.

Ai goditi drejt nëpër një rrethrrotullim dhe u fut në një shtyllë llambash përpara se vetura luksoze – pas prishjes së martesës së tij – duke përfunduar në anën e gabuar.

Dhe një gjykatë dëgjoi se ai kishte udhëtuar me më shumë se 160 km/h me makinën sportive, e cila ka një shpejtësi maksimale prej 315 km/h, pasi kishte vizituar një kafene.

Fotografitë e publikuara nga policia në atë kohë treguan “rrënojat” e Ferrarit me pjesën e pasme të dëmtuar rëndë.

Turner u dërgua në spital dhe më vonë iu nënshtrua analizave të cilat zbuluan gjithashtu praninë e benzoilekgoninës, një tregues i drogës së klasit A.

Si pasojë, Turner, nga Kings Norton, Birmingham, u burgos për një vit dhe u ndalua nga vozitja për katër vjet e gjysmë në Warwick Crown Court të premten. /Telegrafi/