Zhvillimet e fundit në veri të Kosovës kanë marrë vëmendjen edhe të mediave në Serbi, sidomos rreth faktit se atje, siç thuhet, shkaktuan ankth dhe shumë pyetje që mbeten ende pa përgjigje.
Dhe njëra prej pyetjeve, siç shkruan mediumi serb Danas, përcjell Telegrafi, është se: a mund të përhapet konflikti nga Kosova në të gjithë rajonin?
Ndryshe, një polic i Kosovës është vrarë dhe një tjetër është plagosur në Banjska mëngjesin e së dielës.
Jo shumë kohë më vonë, anëtarët e grupit që kryen një sulm terrorist, u strehuan në manastirin e Banjskës dhe në konflikt me organet e rendit nga Kosova janë vrarë katër sulmues.
Pas kësaj, mediumi në fjalë ka ngritur disa çështje:
Nuk ka informacion të mjaftueshëm
Sipas Danas, qytetarëve të Serbisë iu mungonte informimi i saktë dhe me kohë gjatë gjithë ditës.
Kështu, vë në pah ky medium, kryeministri i Kosovës, Albin Kurti gjatë gjithë kohës iu drejtua qytetarëve të Kosovës, ndërsa qytetarët e Serbisë e prisnin fjalimin e jashtëzakonshëm të presidentit Aleksandar Vuçiq të planifikuar për të dielën në orën 20.00.
Dhe Nemanja Millosheviq, kryetar i organizatës politike Glas dhe magjistër i shkencave politike, ka thënë për Danas se nga Vuçiq janë dëgjuar vetëm thënie boshe që “kemi dëgjuar për më shumë se një dekadë”.
“Nuk kemi informacion të saktë nga shërbimet përkatëse. Shërbimet që duhet të kenë raport nga terreni. Nuk kemi zbuluar asgjë konkrete dhe kam frikë se nuk do ta zbulojmë kurrë. Kjo tregon se ekziston një problem në vetë zinxhirin e sigurisë, jo vetëm në informimin e ndërsjellë dhe shkëmbimin e informacionit, por edhe në atë se çfarë bëhet nga kush brenda atij zinxhiri sigurie dhe sa mirë është i informuar secili nivel i udhëheqjes shtetërore për veprime të caktuara“, ka theksuar Millosheviq.
“Pra, kemi pasur një situatë që e gjithë ngjarja ka përfunduar duke mos pasur një pasqyrë të qartë se kush janë këta persona, ku kanë shkuar, si kanë shkuar, në çfarë mënyre… këto janë disa pyetje që mbeten pa përgjigje”.
A i përshtatet Rusisë konflikti në Ballkan?
Prej kohësh është raportuar në media se Rusia ka interes të provokojë konflikte në Ballkanin Perëndimor me qëllim që të largojë vëmendjen e komunitetit ndërkombëtar nga lufta në Ukrainë, shkruan më tej Danas, përcjell Telegrafi.
I pyetur nëse është e lehtë të shkaktohet një konflikt në Kosovë, Millosheviq është përgjigjur: “Konflikti nuk mund të ndodhë kaq lehtë”.
Madje, sipas tij, ajo që pamë të dielën, është maksimumi i diçkaje që mund të ndodhë.
“Nuk jam më e sigurt se nuk kemi 30 budallenj në BeH, të cilët janë gati për gjakderdhje të re”
Në disa prej informacioneve, ka pasur edhe komente nga disa analistë ushtarakë në Bosnjë dhe Hercegovinë, të cilët si objektiv i pikave të nxehta të mundshme, si ai në Kosovë fundjavën e kaluar, kanë përmendur BeH, ka thënë Tanja Topiq, një analiste politike nga Bosnja dhe Hercegovina.
Ajo thotë se madje “sipas tyre” ishte pothuajse e sigurt se BeH ishte e radhës.
“Për një kohë të gjatë, thuajse me naivitet dhe mjaft besim theksova se është e pamundur të ndodhë një konflikt i ri në Bosnje dhe Hercegovinë, një konflikt, e kam fjalën për një konflikt të armatosur… Pas pamjeve nga Kosova, nuk jam më i sigurt se nuk kemi 30 budallenj në BeH, të cilët janë gati për gjakderdhje të re”, citohet të ketë thënë ndër tjerash Topiq. /Telegrafi/
Lufta Prigozhin - Putin
Më shumëNga Rubrika
Rrëfimi i ukrainases 98-vjeçe, që eci dhjetë kilometra për të shpëtuar nga territori i pushtuar
Ukrainasit bombardojnë qendrën trajnuese të rusëve, e godasin me sistemin raketor amerikan ATACMS
Deshifrohet një tekst i lashtë – ai tregon se si dukej mbrëmja e fundit e Platonit
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Deshifrohet një tekst i lashtë - ai tregon se si dukej mbrëmja e fundit e Platonit
Mallkimi i Faraonit: Mitet dhe realiteti i varreve egjiptiane
Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko
Ukrainasit sërish sulmojnë me dron një rafineri nafte në Rusi
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit