De Gea bëri shpëtimin e parë në Kupën e Botës 2018 kundër Marokut, Muslera e Subasic ende nuk kanë pranuar gol

Deri në ndeshjen e kësaj mbrëmjeje kundër Marokut, David de Gea ishte portieri i vetëm që është paraqitur në Kupën e Botës 2018 dhe nuk e kishte bërë një pritje të sigurt.

Sipas statistikave të siguruara nga FIFA në faqen zyrtare të saj, portieri spanjoll nuk e kishte pritur asnjë top gjatë 180minutave të luajtura në botëror, por një gjë të tillë e ka bërë në takimin e sotëm.

Pas pranimit të golit në të 14 minutë, De Gea përfundimisht shpëtoi një gol të sigurt të Boutaib, i cili humbi një rast përballë portierit.

Gjersa Ochoa i Meksikës është portieri që ka bërë më së shumti shpëtime me 14 sosh, i cili ndiqet nga Kasper Schmeichel i Danimarkës, i cili ka bërë 10 mbrojtje.

Keylor Navas i Kosta Rikës, Mathew Ryan i Australisë dhe Hannes Halldorsson i Islandës, secili ka nga nëntë pritje të sigurta.

Ndërkohë, Fernando Muslera i Uruguai që ka gjashtë pritje dhe Danijel Subasic i Kroacisë me pesë, janë të vetmit portier të cilët nuk kanë pranuar ende gol në botërorin Rusia 2018.

Lexo po ashtu Të gjitha lajmet rreth kampionatit botëror

Ndryshe, tashmë dihen çiftet e para të 1/16 së finales së Kupës së Botës, ku do të takohen Spanja-Rusia dhe Portugalia-Uruguain. /Telegrafi/