Dantella, temina, perla: Pamela Anderson u shfaq në tapetin e kuq të kopsitur deri në fyt

Në ngjarjen e organizuar nga rrjeti i modës së shpejtë “H&M”, është shfaqur seks bomba më e famshme e viteve nëntëdhjetë dhe ka defiluar në tapetin e kuq me kostum “mace”

Në këtë event ku zinxhiri i modës së shpejtë prezantoi bashkëpunimin ekskluziv me stilistin Mugler, 55-vjeçarja Pamela Anderson tërhoqi të gjithë vëmendjen me stilin dhe linjën e saj të përsosur.

Ylli i serialit hit “Guardians of the Beach” (“Rojat e plazhit”) kishte veshur një kostum “mace”, transparent, i cili kishte temina dhe perla dhe ishte firmosur nga i njëjti stilist, transmeton Telegrafi.

Duke dhënë pamjen e një fundi mini, Pamela veshi një xhaketë sportive të zezë me përmasa të mëdha mbi gete, që e la të kopsitur, duke treguar vetëm pak nga dekolteja e saj mahnitëse.

Për të përmbyllur gjithë pamjen, ish-lepurushja e Playboy-t mbathi një palë taka të larta marramendëse Christian Louboutin, e vetëdijshme se pothuajse nuk dukej edhe aq mirë.

H&M, “perandoria e modës së shpejtë” është bashkuar me markën e famshme franceze për të krijuar një koleksion të bazuar në pjesët ikonike të të ndjerit Thierry Mugler dhe çmimet e pjesëve do të jenë të përballueshme.

“Koleksioni është një festë e gjithçkaje që e përcakton Mugler si një shtëpi mode dhe çdo pjesë është autentike; nga kostumet trupore që janë bërë firma jonë, te prerjet e mprehta dhe xhinset e përpunuara. Ky koleksion është një moment vendimtar për shtëpinë e Mugler – një mundësi që ne të festojmë historinë dhe pjesët tona për shkak të të cilave jemi të dashur edhe sot”, tha Cadwallader drejtoresha e modës.

Bisedimet për një bashkëpunim të mundshëm mes H&M dhe Mugler filluan përpara se Manfred Thierry Mugler të ndërronte jetë në vitin 2022. /Telegrafi/