Dalin prapaskena të reja se si Caicedo kishte larguar të gjitha gjërat e tij nga hapësirat e Brightonit, para se të kishte marrëveshje me Chelsean

Sipas raportimeve, Moises Caicedo ishte këmbëngulës për një largim nga Brighton në fazën para-sezonale.

Ekuadoriani ka qenë prej kohësh i lidhur me një largim nga Pulëbardhat, me Arsenalin dhe Chelsean që e dëshiron qysh në janar, përpara se një numër i klubeve kryesore të ringjallnin interesimin e tyre këtë verë.

Caicedo siguroi një transferim rekord britanik te Blutë, duke iu bashkuar atyre për 133 milionë euro pas një sage të gjatë.

Lexo po ashtu Si mund të rreshtohet Chelsea me Caicedon, Lavian dhe Olise

Mesfushori ishte lidhur gjithashtu me rivalët e Ligës Premier, Liverpool – të cilët kishin paraqitur një ofertë rekord britanike prej 128 milionë – vetëm që lojtari të refuzonte kalimin te Reds.

Megjithatë, Daily Telegraph raporton se lojtari e informoi shefin e Brighton, Roberto De Zerbi se donte të largohej në javën e fundit të para-sezonit, përpara se të pastronte dollapin e tij në kampin stërvitor të Pulëbardhave.

Një ditë më parë, lojtari u la jashtë skuadrës së Brighton për t’u përballur me Rayo Vallecano në parasezon, duke përmendur një problem me muskujt.

Lexo po ashtu Chelsea arrin marrëveshje me Crystal Palacen për Olise

Dhe pavarësisht këmbënguljes së drejtori gjeneral Paul Barber se klubi po priste me padurim të fillonte sezonin me Caicedon në radhët e tyre, ata mendohet se kishin vendosur privatisht të dëgjojnë ofertat për yllin e tyre më të çmuar disa ditë më vonë.

Liverpool ndoshta tronditi shumicën e tifozëve duke paraqitur ofertën e parë të madhe në një përpjekje për të forcuar bazën e mesfushës së tyre si pjesë e rindërtimit të vazhdueshëm.

Megjithatë, ndoshta edhe më befasuese, Reds nuk kishin asnjë indikacion nga lojtari se ai donte t’i bashkohej, siç konfirmoi Jurgen Klopp në një konferencë për shtyp të premten.

Lexo po ashtu Liga Premier planifikon t'i jap goditjen e parë Chelseat, pas shpenzimeve të çmendura

Një taktikë e tillë transferimi është relativisht e rrallë në futbollin modern, ku agjentët dhe përfaqësuesit shpesh takohen me klubet për të rënë dakord për kushtet personale përpara se të ndërmerret detyra për të përmbushur një vlerësim.

Fakti që lojtari refuzoi Liverpoolin pa pasur një ofertë në tavolinë nga Londra perëndimore është ndoshta një sugjerim që Blutë kishin tashmë fjalën e Caicedos se do t’i bashkohej atyre.

Skuadra e Mauricio Pochettino ishte e vetmja nga kërkuesit e tij që e mbajti atë në krye të listës së blerjeve gjatë gjithë verës. /Telegrafi/