Dafina Zeqiri iu reagon ashpër Albi Nakos dhe Erjona Rusit për bullizmin ndaj vajzës minorene në program: Keni nevojë për ndihmë

Ka disa ditë që po komentohen deklaratat e koreografit Albi Nako dhe gazetares Erjona Rusi.

Të dy këta janë pjesë e jurisë në një spektakël fëmijësh të quajtur “T’ka mami yll”, ku në një nga emisionet e fundit, iu drejtuan me komente jo të mira një fëmije.

Ata i thanë një vajzeje të vogël pjesëmarrëse në këtë konkurs nëse i pëlqen më shumë kërcimi apo ushqimi dhe se kë do të zgjidhte mes këtyre të dyja.

(Video, minuta 42:12)

Lidhur me këto komente të tyre, ka pasur reagime të shumta në rrjetet sociale, të cilët i kanë akuzuar anëtarët e jurisë për bullizëm.

Një reagim të ashpër lidhur me këtë çështje e ka bërë edhe këngëtarja e njohur shqiptare, Dafina Zeqiri, e cila ka publikuar në InstaStory një kritikë publike për Albin dhe Erjonën.

“Pasi s’po mundem me të bërë tagg…më së pari televizionet të cilët i japin rrast “personave” si ti? Më pas një vend në juri dhe t’i bullizosh fëmijët? Femrat e të tjerë, është e tmerrshme! Ti ke nevojë për ndihmë! Askush tjetër”, ka shkruar Dafina teksa publikuar fillimisht profilin e Instagramit të Albi Nakos.

Më pas, ajo ka shpërndarë edhe profilin e gazetares Rusi, e cila në biografinë e saj në Instagram ka të shkruar hashtagët: feministë, udhëtare, adhuruese e librave dhe adhuruese e kafshëve.

“Të gjitha këto hashtage? Dhe këndej e bullizon një fëmijë, Erjona Rusi, seriozisht e ke?”, ka shkruar Zeqiri në reagimin e saj.

Përndryshe, dyshja në fjalë nuk kanë reaguar ende me ndonjë deklaratë lidhur me komentet që i kanë bërë vajzës së vogël. /Telegrafi/