Daçiq: Zgjidhjen e problemit të Kosovës, Trump do ta përdorte për zgjedhje si fitore në politikën e jashtme

Shtetet e Bashkuara janë të interesuar në zgjidhjen e çështjes së Kosovës.

Kështu ka deklaruar ministri i Punëve të Jashtme të Serbisë, Ivica Daçiç, i cili ka treguar edhe pse po i ngutet të parit të Amerikës.

“Trump është i interesuar për të zgjidhur çështjen e Kosovës. Trump dëshiron të ketë një sukses në politikën e jashtme dhe që kjo zgjidhje të jetë e përhershme, nuk mund të arrihet pa Serbinë”, ka thënë Daçiq për TV “Happy”.

Ai shtoi se Trump e ka kuptuar se problemi i Kosovës nuk zgjidhet pa një marrëveshje me Serbinë. Sipas tij, këtë e kanë kuptuar edhe shqiptarët, si dhe disa vende evropiane.

“Tani është një moment i përshtatshëm, Amerika është në nxitim për shkak të zgjedhjeve. Mogherini po nxiton. Nga ana tjetër, ata që nuk duan një zgjidhje, ata nuk po nguten”, ka thënë Daçiq, duke iu referuar Prishtinës zyrtare.

Ai gjithashtu ka pohuar se nëse Joe Biden vjen në krye të SHBA-ve, atëherë “punët ndoshta do të vështirësohen për Serbinë”.

“Nëse ai kthehet (ish-nënpresidenti demokrat Joseph) Biden nuk e di se si do të ndikojë në Serbinë, sepse në Prishtinë ka bulevard me emrin e tij”, tha Daçiq.

Ai gjithashtu njoftoi se do të ketë tërheqje të reja të njohjes së pavarësisë së Kosovës, duke kujtuar se në pesë vitet e fundit, 13 vende e kanë bërë tashmë këtë.