LAJMI I FUNDIT:

Cristiano Ronaldo: Rruga e zhvillimit të fitnesit e futbollistit të famshëm

Cristiano Ronaldo: Rruga e zhvillimit të fitnesit e futbollistit të famshëm

Në saje të zellit të madh dhe mënyrës së jetesës askete, futbollisti i famshëm i Portugalisë ka arritur statusin e njërit ndër sportistët më të përgatitur të të gjitha kohëve.

Ronaldo ka arritur në “Old Traford” nga Sportingu i Lisbonës si 18-vjeçar. Ai thotë: “Më kujtohet kur për herë të parë kam dëgjuar fëmijët duke i thonë njëri-tjetrit: “A e keni parë se çfarë bëri? Ky tip është bishë”.

“Fillova të dëgjoja vazhdimisht, madje edhe nga trajneri, pastaj gjithmonë dikush del dhe thotë: “Po, por është turp që është i hajthëm dhe nuk ka muskuj”.

“E vërtetë, kam qenë i hajthëm, nuk kam pasur muskuj. Kur i kam pasur 11 vjet e kam ditur që jam shumë i talentuar, dhe atëherë kam vendosur të punoj dhe të stërvit edhe më shumë se të tjerët.”

“Kam filluar të ikja natën nga krevati për të stërvitur, bëhesha gjithnjë e më i madh dhe më i shpejtë. Derisa ecja nëpër terren, njerëzit flisnin: ‘Ai është aq i hajthëm’, atëbotë më shikonin mua sikur të ishte fundi i botës.”

Më nuk është sekret që Ronaldo – i cili ka paletën vetjake të rrobave të brendshme – kalon orë të tëra në palestër në mënyrë që t’i japë formë trupit të vet, transmeton Telegrafi.

Mirëpo, si arriti saktësisht portugezi deri te ky transformim? Trajnimet e intensitetit të lartë janë çelësi i të gjithave. Djaloshi, të cilin po e shihni në foton portugeze, punon pesë herë në javë.

“Në palestër bëj shumë ushtrime, madje edhe sprint. Mund ta përfshini në treningun tuaj, qoftë të jeni në palestër, qoftë në ambient të hapur“

Përpiquni ta përfshini në çdo trening të cilin e bëni, por nuk jeni të detyruar të kufizoheni në treningun në palestër.

Ronaldo shton: “Bëni ushtrime kudo që mundeni. Në dhomën tuaj të gjumit mund t’i bëni absolutisht të gjitha ushtrimet kur zgjoheni në mëngjes apo pra se të shkoni në krevat. Nëse mësoheni me rutinën, do ’ju bëhet shprehi”.

Trupi i skalitur – Ronaldo, për pjesën e sipërme të trupit bën përkulje të trupit dhe bench press. Ky është çelësi i dukjes së supeve dhe shpinës së tij.

Stërvitjet e barkut, përkuljet anësore dhe përdorimi i topit mjekësor janë shkaktarët përse Ronaldo i ka ato pllaka të dallueshme.

Ronaldo madje shet edhe setin e tij vetjak prej 350 funtesh “Abs Fit” dhe “Twin Body Fit”, për të cilin thotë që ndihmon në trening për muskujt e barkut, bicepsët dhe trecepsët.

Ajo që Ronaldon e dallon nga të gjithë është që nuk konsumon alkool. Ai thotë: “Forca mendore është njësoj e rëndësishme si edhe forca fizike”.

Ushqimi i balancuar është i rëndësishëm, mirëpo Ronaldo theksin më të lartë e vë në marrjen e proteinave.

Rregullisht ha peshk dhe në restorante përpiqet të porosisë kotëletë dhe sallatë. Mirëpo, ushqimi i Lisbonës bacalhaubraz – përzierje e bakalaros, qepës, patates së prerë hollë dhe omëletës – është ushqimi i tij i preferuar.

Ai thotë se ha ushqim me proteina të larta me përplot karbohidrate nga pemët integrale, perimet dhe shmang ushqimin e ëmbël.

“Hani rregullisht. Mirëpo ushtroni rregullisht, është me rëndësi të mbani nivel të lartë të energjisë në mënyrë që trupi juaj të ketë më shumë energji për ushtrime të mira. Ndonjëherë ha deri në gjashtë racione të vogla në ditë në mënyrë që të sigurohem që kam energji të mjaftueshme për çdo trening të nivelit më të lartë”.

Ronaldo kalon shumë kohë të lirë duke u relaksuar në shtëpi me të dashurën Georginën, fëmijët Cristianin Junior, dhe me binakët dhjetëmuajsh Eva dhe Mateo dhe me beben Alan Martine.

Ronaldo thekson që stili i qetë jetësor i ndihmon shumë që të jetë i fuqishëm edhe fizikisht edhe mendërisht.

Kohën e lirë e kalon me familjen dhe miqtë, gjë që e qetëson dhe atëherë mendon pozitivisht. Gjumi i rregullt është njësoj i rëndësishëm.

“Unë shkoj herët në shtrat dhe zgjohem herët, aq më parë para garave. Gjumi u ndihmon muskujve që të këndellen gjë që vërtet është me rëndësi”. /Telegrafi/

Në trend Stil

Më shumë
Rruga më e shkurtër në botë - është vetëm dy metra e gjatë dhe në të ndodhet edhe një hotel

Rruga më e shkurtër në botë - është vetëm dy metra e gjatë dhe në të ndodhet edhe një hotel

A e dini se...
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini pse qeset me çipsa nuk mbushen plot – ekziston një arsye e mirë për këtë

A e dini pse qeset me çipsa nuk mbushen plot – ekziston një arsye e mirë për këtë

A e dini se...
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Ekziston një mënyrë efikase si mund ta ndaloni vluarjen e tepërt të ujit në tenxhere

Ekziston një mënyrë efikase si mund ta ndaloni vluarjen e tepërt të ujit në tenxhere

A e dini se...
Të gjithë e kemi këtë produkt në shtëpi dhe bën mrekulli për bimët tuaja

Të gjithë e kemi këtë produkt në shtëpi dhe bën mrekulli për bimët tuaja

A e dini se...
Kalo në kategori