LAJMI I FUNDIT:

Credit Suisse planifikon të marrë hua deri në 51.4 miliardë euro prej bankës qendrore zvicerane

Credit Suisse planifikon të marrë hua deri në 51.4 miliardë euro prej bankës qendrore zvicerane

Banka zvicerane, Credit Suisse planifikon të marrë hua deri në 50 miliardë franga (51.4 miliardë euro) nga banka qendrore zvicerane për të siguruar likuiditet.

“Credit Suisse po ndërmerr një hap vendimtar për të forcuar paraprakisht likuiditetin duke shfrytëzuar opsionin e huamarrjes deri në 50 miliardë franga nga Banka Kombëtare e Zvicrës përmes programit të kredive të siguruara dhe likuiditetit afatshkurtër”, njoftuan mëngjesin e sotëm.

Ata shtuan gjithashtu se Credit Suisse International u ofroi atyre një blerje me para në dorë të letrave me vlerë me prioritet arkëtimi në vlerën e rreth tre miliardë frangave, raporton cnn.

Aksionet e bankës ranë ndjeshëm të mërkurën pasi aksioneri kryesor, Ammar Al Khudairy, kryetar i Bankës Kombëtare Saudite, përjashtoi ta ndihmojë bankën nëse ajo kërkon likuiditet shtesë.

Për t’ shuar ‘benzinë zjarrit’, banka qendrore zvicerane dhe rregullatori i tregjeve financiare njoftuan të mërkurën mbrëma se do të ndërhynin dhe do t’i siguronin likuiditet Credit Suisse nëse është e nevojshme.

Ata gjithashtu theksuan se aktualisht nuk ka asnjë tregues të rrezikut të drejtpërdrejtë të përhapjes së problemeve të shkaktuara nga kolapsi i tre bankave amerikane në kompanitë financiare në Zvicër.

Andre Helfenstein, kreu i operacioneve të bankës në Zvicër, pohoi se depozitat e klientëve ishin të sigurta dhe ia atribuoi vështirësitë e tregut të Credit Suisse vështirësive në sektorin bankar të SHBA, duke aluduar në kolapsin e javës së kaluar të Silicon Valley Bank dhe Signature Bank.

Biznesi zviceran është e pozicionuar mirë dhe po arrin rezultate të mira, pohoi Helfenstein, duke shtuar se banka po ristrukturon rrënjësisht operacionet për të përmirësuar rezultatet afatgjata.

Vitin e kaluar, klientët tërhoqën deri në 123 miliardë franga nga Credit Suisse, pjesa më e madhe në tremujorin e katërt.

Banka e mbylli vitin e kaluar me një humbje prej 7.3 miliardë frangash. /Telegrafi/