“Covid-19 do ta lërë botën më ndryshe se që ‘e gjeti’ – dhe më të përgatitur për pandeminë tjetër”

Peter Frankopan, profesor i historisë globale në Universitetin e Oksfordit, u ka bërë thirrje të gjithëve që të shohin pozitivet që do të dalin nga pandemia e coronavirusit Covid-19 që po fshin botën.

Në natën e Vitit të Ri, ndërsa shumica e njerëzve nëpër botë po mendonin për festimet e mesnatës dhe fillimin jo vetëm të një viti të ri, por një dekade të re, Organizata Botërore e Shëndetësisë, mori një njoftim shqetësues nga autoritetet në Kinë.

Atje mendohet se kishte filluar një coronavirus që supozohet se është transferuar tek njerëzit nga kafshët e egra në një treg kafshësh në Wuhan, shkruan Mirror.co.uk.

Ne tani e dimë se shqetësimet ishin ngritur disa javë më parë në Kinë dhe se vonesat në ndërmarrjen e veprimeve nuk kushtuan vetëm kohë të vlefshme, por gjithashtu kushtuan me shumë jetë njerëzish.

Përhapjet e sëmundjes infektive në zhvillim nuk janë të rralla. Por kur nuk trajtohen shpejt, ato mund të jenë shkatërruese.

Ajo që e bën të pazakontë Covid-19, është mënyra dhe shpejtësia me të cilën është përhapur nëpër botë. Kanë kaluar vetëm tre muaj nga alarmi për Organizatën Botërore të Shëndetit, transmeton Telegrafi.

Është pothuajse e pabesueshme të mendosh që jo miliona, as edhe qindra miliona, por milirada njerëz nëpër botë tani janë në bllokim.

E tërë bota është në izolim, me 1.3 miliard vetëm në Indi të detyruar të qëndrojnë brenda. Rrugët janë bosh – të paktën nga njerëzit.

Videot nga e gjithë Evropa tregojnë derrin e egër, dhitë që qarkullojnë nëpër qendrat e qyteteve sikur këto të ishin habitatet e tyre natyrore.

Tregjet e aksioneve që janë shembur, duke prekur pensionet dhe kursimet, pushimet masive si dhe linjat ajrore që nuk mund të fluturojnë, për të ruajtur sa më shumë persona që të mos infektohen me Covid-19.

Dhe, natyrisht, ekzistojnë tragjeditë e atyre që kanë vdekur, qoftë të rinj dhe të shëndetshëm ose ndryshe – secila humbje lë një hendek të pafalshëm në jetën përreth tyre.

Por do të ketë shkëlqim në fund të gjithë kësaj kur të dalim në anën tjetër.

Mësimet e marra nga e kaluara është një nga arsyet pse njerëzit studiojnë historinë. Kjo është e rëndësishme që ne të shohim gjërat pozitive që do të vijnë si rezultat.

E para, natyrisht, është se përvoja e Covid-19 duhet të nënkuptojë që kurrë nuk e gjejmë veten përsëri në këtë pozicion.

Përveç bashkëpunimit më të mirë dhe shkëmbimit të informacionit midis shteteve, ne duhet të mësojmë të përgjigjemi më shpejt dhe më mirë sesa kemi bërë kur shkalla e problemit ishte tashmë e qartë.

Së dyti, dhe në mënyrë të ngjashme, problemet që kanë shumë spitale në të gjithë botën, është se kanë mungesë të madhe të ventilatorëve, veshjeve mbrojtëse dhe furnizimeve të tjera, dhe do të thotë se ne do të grumbullojmë dhe të përgatitemi më mirë për të ardhmen.

E treta, dhe ngushëlluese, standardet e higjienës në mbarë botën duhet të përmirësohen në mënyrë dramatike.

Pra, ka disa lajme të mira për ata që kërkojnë.

Pasi të jemi përsëri në parqe dhe në pijetore, ne mund të shtrëngojmë duart përsëri me njëri-tjetrit të sigurt në njohurinë se jemi të sigurt për ta bërë këtë, jo vetëm nga coronavirusi, por të gjitha llojet e tjera të parëndësishme; dhe nëse ne mund ta bëjmë këtë në njohurinë se jemi më mirë të përgatitur për pandemitë e ardhshme, vendi – dhe bota – do të jetë një vend më i mirë. /Telegrafi/