COVID-19 dhe kohëzgjatja e rrezikut për mpiksje të gjakut

Njerëzit me COVID-19 kanë një rrezik në rritje të zhvillimit të mpiksjes së gjakut deri në gjashtë muaj pas infektimit edhe në raste të lehta, ka treguar një studim.

Hulumtimet e mëparshme kanë treguar se COVID-19 rrit rrezikun e mpiksjes së gjakut, por një studim i ri i botuar në revistën mjekësore BMJ, tregon se sa mund të zgjasë kërcënimi.

Studiuesit krahasuan të dhënat nga më shumë se një milion njerëz në regjistrat kombëtarë suedez që u infektuan me COVID-19 nga shkurti 2020 deri në maj 2021, me grupet e kontrollit prej mbi katër milionë që nuk ishin pozitivë.

Ata zbuluan se personat me COVID kishin një rrezik më të lartë të embolisë pulmonare, një mpiksje gjaku që bllokon arteriet në mushkëri, deri në gjashtë muaj pas infektimit, transmeton KosovaPress.

Kishte gjithashtu një rrezik në rritje të trombozës së venave të thella – një mpiksje gjaku që zakonisht gjendet në këmbë – deri në tre muaj pas infektimit me COVID.

Pasi morën në konsideratë një sërë faktorësh, ata gjetën një rrezik 33-fish më të lartë të embolisë pulmonare tek ata që kishin COVID, si dhe një rritje pesëfish të rrezikut të trombozës së venave të thella.

Lexo po ashtu Studimet tregojnë se vaksinat anti-COVID u japin mbrojtje shtesë personave të infektuarve më herët

Njerëzit me simptoma të rënda dhe ata me kushte të tilla shëndetësore ishin në rrezik më të lartë më herët, zbuloi studimi.

Por, edhe njerëzit që kishin raste të lehta që nuk kishin nevojë për shtrimin në spital kishin një rrezik më të lartë të embolisë pulmonare dhe trombozës së venave të thella.

Shanset për formimin e mpiksjes ishin më të larta gjatë valës së parë të pandemisë sesa në fazat e mëvonshme, gjë që shkencëtarët thanë se ishte për shkak të mbulimit të vaksinës dhe trajtimit më të mirë me kalimin e kohës.

Lexo po ashtu A do të thotë D-dimeri që keni një mpiksje gjaku të fshehur? Keqkuptimet më të mëdha për vlerën e tij në gjak!

Studiuesit thanë se gjetjet e tyre kishin “ndikime të mëdha për politikën shëndetësore”, duke kërkuar trajtim shtesë për të parandaluar mpiksjen e gjakut, veçanërisht në rastet me rrezik të lartë.

Ata gjithashtu theksuan se rezultatet e tyre theksuan rëndësinë e vaksinimit.