Clinton i pranishëm në ndejën për dëgjimin e albumit të G4shit, ai e falënderon që i ndihmoi Kosovës

Ish-presidenti amerikan, Bill Clinton, ka qenë i pranishëm në ndejën private, të organizuar për dëgjimin e albumit të ri të reperit shqiptar, G4SHI.

Ylli shqiptar që bën karrierë në Shtetet e Bashkuara të Amerikës e ka publikuar një fotografi të përbashkët me ish-kreun e Shtëpisë së Bardhë për ta falënderuar për prezencën e tij në evenimentin e organizuar lidhur me materialet e reja muzikore.

https://www.instagram.com/p/BrLgMpjl8v7/

Ndërkaq, ai nuk ka harruar ta falënderojë edhe për përfshirjen e tij në ndalimin e gjenocidit dhe spastrimit etnik në Kosovë në vitin 1999.

“Faleminderit Bill që erdhe në ndejën time private për dëgjimin e albumit dhe faleminderit që i ndihmove Kosovës”, ka shkruar Gashi në Instagram.

https://www.instagram.com/p/BrLcxjbldro

Theksojmë se Labinot Gashi është me origjinë nga Kosova, ndërsa karrierën e tij është duke e ndërtuar në SHBA, ku ka migruar me prindërit e tij.

Lexo po ashtu Lajmet për G4SHI

Që nga vera e vitit 2017 është pjesë e labelit të famshëm të Jay-Z, Roc Nation, prandaj nuk ka dyshim se e ardhmja do të sjellë projekte të mëdha nga reperi shqiptar.

https://www.instagram.com/p/Bq-m5K4FiA1/

Bill Clinton është një politikan amerikan, i cili ka shërbyer si presidenti i 42-të i SHBA-ve në dy mandate, në periudhën 1993-2001.

Për të ndaluar gjenocidin dhe spastrimin etnik të shqiptarëve në Kosovë, në vitin 1999 ai autorizoi shfrytëzimin e forcave të armatosura amerikane nga NATO për të sulmuar caqet e atëhershme jugosllave që pasoi me çlirimin e Kosovës. /Telegrafi/