ÇKA DO ZOTI

Nga: Roger Waters (tekstet e tri këngëve nga albumi Amused to Death, 1992)
Përktheu: Agron Shala

ÇKA DO ZOTI – PJESA I

Atë që Zoti do, atë Zoti merr, Zot të gjithëve na ndihmo (Zoti merr)
Atë që Zoti do, atë Zoti merr

Fëmija në qosh, priftin shikon
Dhe e i bie kitarës së vet japoneze të kaltër të çeltë
Prifti tha:
“Zoti do mirësi
Zoti do dritë
Zoti do kaos
Zoti do luftë pa sherr”

Atë që Zoti do, atë Zoti merr

“Mos u habit kaq shumë, është veçse dogmë”
Profeti jashtëtokësor bërtet
Brumbulli dhe antilopa
E hoqën Biblën nga varësja
Majmuni në qosh
E shkroi mësimin në librin e vet

Atë që Zoti do, atë Zoti merr

Zoti do paqe
Zoti do luftë
Zoti do uri
Zoti do zinxhirë të dyqaneve

Atë që Zoti do, atë Zoti merr

Zoti do rebelim
Zoti do seks
Zoti do liri
Zoti do Semteks

Atë që Zoti do, atë Zoti merr

“Mos u frikëso kaq shumë, unë veç hajgare po bëj”
Komiku jashtëtokësor gënjeu
Gomari dhe hiena
E hoqën penën nga varësja
Majmuni në qosh
E shkroi shakanë në librin e vet

Atë që Zoti do, atë Zoti merr

Zoti do kufij
Zoti do drogë
Zoti do reshje
Zoti do meksikanë ilegalë

Atë që Zoti do, atë Zoti merr

Zoti do vudu
Zoti do faltore
Zoti do ligj
Zoti do krim të organizuar
Zoti do kryqëzatë
Zoti do xhihad
Zoti e do të mirën
Zoti e do të keqen

Atë që Zoti do, atë Zoti merr

***

ÇKA DO ZOTI – PJESA II

Atë që Zoti do, atë Zoti merr, Zot të gjithëve na ndihmo
(Atë që Zoti do, atë Zoti merr)

Zoti do dollarë
Zoti do centë
Zoti do funte, shilinga dhe peni
Zoti do guldenë
Zoti do kruna
Zoti do franga zvicerane
Dhe Zoti do franga franceze
(Oui, il veut des francais français)

Zoti do eskudo
Zoti do peseta
mos dërgoni lireta
Zoti nuk i do cikërrimat
Zoti do qytete të vogla
Zoti do dhimbje
Zoti do koncerte të rokut
Zoti do vejusha
Zoti do zgjidhje
Zoti do TV
Zoti do taksa

Atë që Zoti do, atë Zoti merr, Zot të gjithëve na ndihmo
(Atë që Zoti do, atë Zoti merr)

Zoti do argjend
Zoti do ar
Zoti do që sekreti i tij kurrë të mos tregohet
Zoti do xhigolo
Zoti do liderë
Zoti do politikë
Zoti e do humorin e mirë

Atë që Zoti do, atë Zoti merr, Zot të gjithëve na ndihmo
(Atë që Zoti do, atë Zoti merr)

Zoti do miqësi
Zoti do famë
Zoti e do meritën
Zoti e do fajësimin
Zoti do varfëri
Zoti do pasuri
Zoti i do sigurimet
Zoti do veten ta mbrojë

Atë që Zoti do, atë Zoti merr, Zot të gjithëve na ndihmo
(Atë që Zoti do, atë Zoti merr)

***

ÇKA DO ZOTI – PJESA III

Mos ke frikë, është veçse biznes
Psherëtiu profeti jashtëtokësor
Coftinari dhe laraska e hoqën arkën e parave nga varësja
Majmuni në qosh i shkroi hesapet në librin e vet

Të çarë, gishtat e zonjës arkëtare flakërojnë nëpër regjistra
Menaxheri njofton
Për ofertën e ditës
Dhe në bankat në mbarë botën
Të krishterët, myslimanët, hindutë, hebrenjtë
Dhe çdo racë, besim, ngjyrë, ngjyrim ose nuancë tjetër
Bien në gjunjë dhe luten

Rakuni dhe marmoti
Me kujdes i punojnë trastat e kusurit
Por, majmuni në qosh
Hë, e pra, ai dalëngadalë depoziton larg vendit

Krisht, shpirti po ngrin
Veterani bërtet
Hienat dolën haptas
Dhe nëpër kullota vërshojnë
Dhe mjegulla vjen me të madhe
Përmes shishes së tij të xhinit
Kështu që kap një gur
Që duket si kockë

Dhe plumbat fluturojnë
Dhe lumenjtë thahen
Dhe vajzat e dietave pëshpëritin
Dhe spikeri i lajmeve gënjen
Dhe ushtari është i vetmuar
Në zonën televizive

Por, majmuni nuk shikon
Struket në kuzhinë
Për t’i grumbulluar enët
Dhe përgjigjet në telefon