Ndërsa Shtetet e Bashkuara zhvillojnë fushatën e tyre të vaksinimit kundër COVID-19, që synon të vërë vaksinat në dispozicion për të gjithë të rriturit deri më 19 prill, disa mjekë dhe punonjës shëndetësorë janë të shqetësuar se preferencat e markave midis marrësve të mundshëm të vaksinave mund të dëmtojnë përpjekjet për të ngadalësuar përhapjen e virusit.
Sipas Al Jazeera, përcjell Telegrafi, shumë shtete në të gjithë vendin po përshkallëzojnë përpjekjet për të vaksinuar sa më shumë njerëz sa më shpejt të jetë e mundur për të zbutur valët e reja të infeksioneve.
Kështu, deri të mërkurën, SHBA administroi mesatarisht më shumë se tre milionë doza në ditë në të gjithë vendin gjatë shtatë ditëve të mëparshme, sipas “Our World in Data”.
Dhe kur flasim për vaksinat, Administrata Amerikane e Ushqimit dhe Barnave (FDA) ka dhënë autorizim për përdorim urgjent për tri vaksina kundër COVID-19 për të cilat thotë se janë shumë të efektshme në parandalimin e infeksioneve dhe sëmundjeve të rënda nga coronavirusi i ri.
SHBA miratoi një vaksinë Johnson & Johnson në fund të shkurtit pasi autorizoi vaksinat nga Pfizer dhe Moderna dhjetorin e kaluar.
Vaksina J&J kërkon një dozë të vetme, ndërsa të tjerat jepen në dy doza. Secila duhet të ruhet në temperatura të ndryshme.
Po sipas Al Jazeera, përcjell Telegrafi, të tri vaksinat ofrojnë pothuajse mbrojtje të plotë kundër vdekjes së lidhur me COVID-19 dhe shtrimeve në spital, gjeti FDA.
Sidoqoftë, në provat klinike, vaksinat Pfizer dhe Moderna raportuan efikasitet prej rreth 95 për qind në parandalimin e sëmundjes së lehtë nga virusi, ndërsa J&J raportoi një efikasitet prej 72 për qind në provën e tij në SHBA.
Por ndërkohë që përhapja e vaksinave po ndodhë, disa punonjës shëndetësorë kanë raportuar se kanë parë më shumë pacientë që shprehin preferencën për tu inokuluar me një vaksinë të veçantë.
Për shembull, muajin e kaluar, kryebashkiaku i Detroit, Mike Duggan tha se ai preferonte që banorët e qytetit të merrnin vaksinat Pfizer dhe Moderna.
“Johnson & Johnson është një vaksinë shumë e mirë. Moderna dhe Pfizer janë më të mirat. Dhe unë do të bëj gjithçka që mundem për t’u siguruar që banorët e qytetit të Detroit të marrin më të mirën”, citohet të ketë thënë Duggan në fillim të marsit.
Gjithsesi, pas një reagimi të ashpër, ai tha se qyteti do ta bënte vaksinën J&J pjesë e shtrirjes së vaksinave.
Sidoqoftë, dallimet në efikasitet nuk janë aq drastike sa sugjerojnë numrat, thonë ekspertët e shëndetit publik – andaj, vlerësojnë ata, merreni atë që mund ta merrni të parën.
Provat u kryen në kohë të ndryshme, me shfaqjen e varianteve të reja, më ngjitëse të coronavirusit kur ishin në proces provat e vaksinave J&J.
Për më tepër, vaksina J&J tregoi një efikasitet prej 85 përqind në parandalimin e sëmundjes së rëndë në provën e saj në SHBA, sipas FDA.
Por perceptimi që Johnson & Johnson mund të jetë më pak i efektshëm se vaksinat e tjera vazhdon. Një sondazh i CNBC muajin e kaluar tregoi se 8 për qind e të anketuarve do të presin derisa të marrin “vaksinën e tyre të preferuar”.
Përkundër këtyre, Dr. Robert C Gallo, drejtori i Institutit të Virologjisë Njerëzore (IHV) në Shkollën e Mjekësisë të Universitetit të Maryland dhe bashkë-themelues i Rrjetit Global rreth Virusit (GVN), tha se ai ishte indiferent për atë vaksinë që mori kur ishte inokuluar rreth një muaj më parë.
“As që më interesonte se cila ishte sepse ato që ishin në dispozicion të aprovuara në Shtetet e Bashkuara – nga ato statistika që janë në dispozicion – janë pak a shumë të njëjta”, ka thënë Gallo për Al Jazeera, përcjell Telegrafi.
“Gruaja ime dhe unë sapo shkuam dhe morëm atë që ishte në dispozicion. Ne nuk menduam dy herë se cila ishte sepse rezultatet ishin goxha të krahasueshme midis këtyre tri vaksinave”.
Gallo i tha Al Jazeera se ai e kupton që disa njerëz mund të dëshirojnë të kërkojnë “vaksinën më të mirë” në dispozicion, por të durosh për një vaksinë që perceptohet të jetë më e mirë nuk ia vlen të presësh.
Ai tha se një normë e efikasitetit prej 72 për qind është “goxha e mirë”, duke vënë në dukje se efektiviteti i vaksinës së gripit mund të jetë deri në 30 për qind në vite të caktuara, por njerëzit duhet ta marrin atë.
“Nuk do të prisja sepse mendoj se shanset për tu infektuar pa vaksinë janë mjaft të mira sidomos në disa vende në botë, duke përfshirë disa shtete në Shtetet e Bashkuara”, mendon Gallo.
Por preferencat e vaksinave nuk kanë të bëjnë vetëm me perceptimin se sa mbrojtje ofron secila vaksinë.
Reham Awad, një praktikante në farmaci në zonën e Çikagos, tha se ajo ka parë të gjitha llojet e rezervimeve dhe preferencave në lidhje me markat e vaksinave; disa njerëz kërkojnë J&J sepse është një dozë e vetme, të tjerët preferojnë Moderna ose Pfizer sepse mendojnë se kanë efekte anësore më pak të dëmshme.
Awad ka qenë dëshmitar i njerëzve që planifikojnë caktimin e tyre të vaksinës për të marrë markën e tyre të preferuar, gjë që ajo tha se mund ta shtynte vaksinimin e tyre për një “kohë të gjatë”.
“Kur njerëzit hyjnë, unë gjithmonë i këshilloj ata që të marrin vaksinën që është në dispozicion sepse kurrë nuk e dini se çfarë vaksine do të jetë në dispozicion herën tjetër”, ka theksuar Awad për Al Jazeera.
Gjithashtu, sipas saj, “ju nuk e dini nëse do të keni mundësinë të merrni vaksinën që dëshironi në një kohë tjetër përveç kësaj”. /Telegrafi/
Lufta Prigozhin - Putin
Më shumëNga Rubrika
Ukrainasit mësyjnë istikamet e rusëve me tank, i hedhin në erë edhe me dron kamikaz – pamje nga beteja për Serbryanskyn
Rusët bombardojnë Rusinë, gabimisht hodhën bombën në territorin e tyre – raketa gjigante ra rreth 100 kilometra larg Ukrainës
Momenti kur raketa izraelite godet me precizitet veturën brenda të cilës ishte komandanti i Hezbollahut
Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën
Pamje të Dubait nga hapësira – ja si dukej, para dhe pas përmbytjeve
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
E thotë kryeministri britanik: Nëse mposht Ukrainën, Putini nuk do të ndalet në kufirin me Poloninë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj