Cila është pija më e mirë alkoolike për t’i shmangur dhimbjet e kokës

Sezoni festiv po afrohet shumë shpejt, e kjo do të thotë se shumica e njerëzve do të jenë duke festuar me alkool.

Është krejtësisht argëtuese dhe kënaqësi kur jeni duke konsumuar alkool, por ditën tjetër kur fillojnë dhimbjet e kokës, gjithë ai argëtim shndërrohet në vuajtje, transmeton Telegrafi.

Megjithatë, fatmirësisht shkencëtarët kanë zbuluar mënyrën më të mirë për t’i larguar simptomat e fenomenit ‘hangover’ (dhimbjeve të kokës) – e krejt kjo ka të bëjë me atë çfarë pini një natë përpara.

Hulumtuesit thonë se konsumimi i birrës i zvogëlon disa nga efektet dëmtuese që i sjell alkooli në trup.

Konsumimi i birrës = pa dhimbje të kokës

Ekspertët nga Londra zbulojnë se birra është ndërlidhur qëmoti me nivele të vogla të përbërësve të ndryshëm të cilët janë shkaktarë të dhimbjeve të kokës pas festave.

Mëlçia dëmtohet më pak

Shkencëtarët gjermanë besojnë se birra e zvogëlon dëmin që bëhet në mëlçi, por llojet tjera të alkoolit nuk e kanë të njëjtin efekt.

Birra ka më pak sheqer

Sheqeri mund t’ju bëjë të ndiheni po aq të sëmurë sa alkooli dhe kontribuon në dhimbje të kokës.

Megjithatë birra ka më pak sheqer se shumë lloje tjera të alkoolit, që do të thotë do të keni më pak mundësi të vuani nga dhimbjet e kokës. /Telegrafi/