Chrome së shpejti do të jetë në gjendje të konvertojë skedarët PDF në tekst dhe më pas t’i “lexojë ato me zë”

Google së shpejti do t’ua lehtësojë jetën personave me shikim të dëmtuar duke futur teknologjinë OCR (njohja optike e karaktereve) në Chrome, e cila do të mundësojë konvertimin e skedarëve PDF në tekst dhe më pas “leximin e tij me zë”.

Por kjo nuk është e gjitha, sepse i njëjti mjet do të përshkruajë fotografitë, transmeton Telegrafi.

Funksioni i ri do të shpërndahet për përdoruesit në “muajt e ardhshëm” dhe Google planifikon ta zgjerojë atë përtej Chrome më vonë këtë vit. Megjithatë, ende nuk dihet se cilat platforma do të marrin përmirësimin.

Lëvizja nga Google është pjesë e një shtytjeje më të gjerë arsimore që përfshin licencimin e aplikacioneve për Chromebook-ët shkollorë dhe aksesin falas në Adobe Express në SHBA.

Administratorët do të kenë më shumë kontroll mbi atë që studentët dhe profesorët mund të kenë akses në pajisjet e tyre Chromebook, dhe do të jenë në gjendje t’i ndalojnë studentët të kopjojnë dhe ngjitin tekst nga uebfaqe të caktuara, të tilla si mjetet gjeneruese të AI që mund t’i ndihmojnë ata të mashtrojnë në teste.

Nga ana tjetër, përdoruesit do të mund të fikin më lehtë mikrofonin dhe kamerën, pavarësisht se ku ndodhen në OS.