Chrome për Android po punon mbi ridizajnimin e Omnibox

Duke e parë bazën e madhe të përdoruesve, Google bën shumë rrallë ndryshime të mëdha në ndërfaqen e shfletuesit të saj.

Megjithatë, një ridizajnim në zhvillim planifikon “modernizimin” e Chrome Omnibox në Android.

Kur Chrome u lansua në vitin 2008, një aspekt i zakonshëm i dizajnit ishte se pse aty ishte vetëm një fushë për qasjen/shikimin e URL-ve dhe kërkimit në ueb.

Google e quajti këtë Omnibox dhe në vitet e fundit ka punuar që ta bëjë atë më të dobishme duke shtuar “Chrome Actions” e cila lidhet me çdo cilësim kyç të shfletuesit.

Kjo i bashkohet mënyrës se si ajo tregon tashmë përgjigje të shpejta për pyetjet dhe fotografitë e përzgjedhura, raporton 9to5google, transmeton Telegrafi.

Që nga Chrome 105, është një variant i quajtur “Omnibox Modernize Visual Update”.

Në dispozicion vetëm për Android, chrome://flags/#omnibox-modernize-visual-update “do të shfaq një UI të re e cila është e përditësuar në mënyrë vizuale”.

Chrome 108 (Canary) ofron dizajnin më të evoluar me tre variante të “Aktivizuara” përveç opsionit të përgjithshëm.

Dizajni ekzistues është një listë e drejtpërdrejtë e URL-ve dhe sugjerimeve të kërkimit. Ajo nuk është se do të ndryshojë me renovimin, por secila do të vendoset në një kartë, për të ndihmuar në dallimin e gjësendeve.

Për më tepër, kartat e mësipërme kanë qoshe të rrumbullakosura. Ky dizajn të kujton më shumë kërkimin e unifikuar të Pixel Launcher që gjendet në Android 13 QPR1 Beta. Qëndrueshmëria është një qasje interesante. /Telegrafi/